গুৱাহাটীঃ ভাষা আন্দোলনৰ প্ৰথম শ্বহীদ ৰঞ্জিত বৰপূজাৰীৰ জন্ম বাৰ্ষিকী। কটন বিশ্ববিদ্যালয়ৰ শ্বহীদ ৰঞ্জিত বৰপূজাৰীৰ বেদীত কটন বিশ্ববিদ্যালয় আছু গোটে শ্বহীদগৰাকীক স্মৰণ কৰাৰ লগতে শ্ৰদ্ধাঞ্জলি জ্ঞাপন কৰে। কটন বিশ্ববিদ্যালয় আছু গোটৰ মুখ্য আহ্বায়ক কুলদীপ গৌতম শৰ্মাই আঁতধৰা শ্ৰদ্ধাঞ্জলি অনুষ্ঠানটোত বন্তি প্ৰজ্জ্বলক হিচাপে উপস্থিত থাকে কটন বিশ্ববিদ্যালয়ৰ ছাত্ৰ কল্যাণ সঞ্চালক ড° প্ৰশান্ত শৰ্মা, শাৰীৰিক নিৰ্দেশক ড° কুলেন দাস, বিশ্ববিদ্যালয় কৰ্মচাৰী সন্থাৰ বাবুল দাস৷ অনুষ্ঠানটোত শ্বহীদ ৰঞ্জিত বৰপূজাৰী ছাত্রাবাসৰ আবাসী, কৰ্মচাৰী সন্থাৰ বিষয়ববীয়াকে ধৰি অৰ্ধ শতাধিক কটনিয়ান উপস্থিত থাকি শ্বহীদগৰাকীক সোঁৱৰণ কৰে।
