গৌৰীসাগৰঃ শিৱসাগৰ জিলাৰ কোঁৱৰপুৰ মৌজাৰ বলিয়াঘাটত অৱস্থিত কৃষ্টি বিকাশ সমাজ প্ৰেক্ষাগৃহত দহদিনীয়াকৈ বিহু কৰ্মশালা খনি আজি আনুষ্ঠানিকভাৱে শুভাৰম্ভ কৰে অৱসৰী প্ৰধান শিক্ষক সূৰ্য বৰুৱাই৷ বিশিষ্ট অতিথি হিচাপে উপস্থিত থাকে কৃষ্টি বিকাশ সমাজৰ সম্পাদক চাৰু প্ৰসাদ শইকীয়া, উপ সভাপতি বোধিন বৰুৱা, সদস্য ফটিক দাস। পদুম কুমাৰ শইকীয়াই আঁত ধৰা অনুষ্ঠানটিত প্ৰশিক্ষক হিচাবে উপস্থিত থাকে বিহু
কুৱৰী উদিতা ইষাৰাণী গগৈ, সোমেণ দুৱৰা, ত্ৰিদিপ বৰপাত্ৰগোহাঁই, পৰিণিতা বৰুৱা হিৰকজ্যোতি গগৈয়ে প্ৰশিক্ষণ দিয়ে। শতাধিক ছাত্র ছাত্ৰীৰ বিহু ৰ প্ৰশিক্ষণে এক নতুন মাত্ৰা প্ৰদান কৰিছে৷ এই উপলক্ষে পদুম কুমাৰ শইকীয়াক সভাপতি ধুব্ৰপ্ৰসাদ শইকীয়াক কাৰ্যকৰী সভাপতি, জিণ্টু শইকীয়া আৰু দিপাংকৰ চুতীয়াক যুটীয়া সম্পাদক হিচাবে লৈ এখনি বিশাল উদযাপন সমিতি গঠন কৰা হয়৷
