গৌৰীসাগৰঃ শিৱসাগৰ জিলা মইনা পাৰিজাতৰ দশম সংখ্যক শিশু একাংক নাট প্ৰতিযোগিতাখনি আলোক সন্ধানী মইনা পাৰিজাতৰ আতিথ্যত আৰু ভটীয়াপাৰবাসী ৰাইজৰ সহযোগত অহা ১৯ নৱেম্বৰত ভটীয়াপাৰ সামুহিক প্ৰেক্ষাগৃহত পাতিবলৈ আয়োজন কৰা হৈছে । পুৱা পতাকা উত্তোলন কৰিব আলোক সন্ধানী মইনা পাৰিজাতৰ সভাপতি সাগৰ বড়াই তাৰ পাছতেই স্মৃতি তৰ্পণ কৰিব কনক চেতিয়া আৰু দুলাল গগৈয়ে । দহ বজাত বন্তি প্ৰজ্বলন কৰিব কণ্ঠেশ্বৰী দিহিঙ্গিয়াই । ১০.১৫বজাত শুভ উদ্ধোধন কৰিব অৱসৰী প্ৰধান শিক্ষক গহীন গগৈয়ে । বিশিষ্ট অতিথি হিচাপে উপস্থিত থাকিব সুশীল বৰুৱা, অজিত দাস,প্ৰশান্ত দাস, হৰিপ্ৰশন্ন হাজৰিকা আৰু প্ৰিয়ম হাজৰিকাই । গতিকে ইচ্ছুক প্ৰতিযোগীসকলে আলোক সন্ধানী মইনা পাৰিজাতৰ ক্ৰমে সভাপতি সাগৰ বড়া, সম্পাদক জিতুল গগৈ আৰু সহ সম্পাদক বিজয় বৰুৱাৰ লগত যোগাযোগ কৰিবলৈ অনুৰোধ জনাইছে৷
