গৌৰীসাগৰঃ শিৱসাগৰ জিলাৰ গৌৰীসাগৰ আৰক্ষী থানাৰ অন্তৰ্গত নামদাং শিলৰ সাঁকোৰ সমীপত গৰু চুৰিৰ প্ৰচেষ্টা কৰিছিল দুটা চোৰে৷ আনকি এএছ০১ এফ কিউ ৩৬২৭নম্বৰৰ ৰেনাল্ট টাইগাৰ বিলাসী বাহনখন গৰু চুৰিৰ বাবে ব্যবহাৰ কৰিছিল৷ গৰু চুৰি কৰি থাকোতেই গৌৰীসাগৰ আৰক্ষী থানাৰ ভাৰপ্ৰাপ্ত আৰক্ষী বিষয়া বিশ্বজিৎ দুৱৰীৰ নেতৃত্বত যোৱা আৰক্ষী আৰু এটা তহলদাৰী দলে খেদি খেদি আটক কৰে এটা চোৰক । আনটো চোৰ আন্ধাৰৰ সুযোগ লৈ পলাই যাবলৈ সক্ষম হয়৷ ধৃত গৰু চোৰটো জয়নাল উদ্দিন আৰু ঘৰ নগাঁও জিলাৰ চামগুৰিত বুলি জানিব পৰা গৈছে৷ গৌৰীসাগৰ আৰক্ষীয়ে ভাৰতীয় দণ্ডবিধি আইনৰ ৩৭৯ ধাৰাত আৰু Animal Cruelty Act ৰ ১১ (১) ক ধাৰাত ২১/২৩ নম্বৰত এটা গোচৰ ৰুজু কৰি অধিক তদন্ত অব্যাহত ৰাখিছে । আজি বহুত দিনৰ পৰা গৌৰীসাগৰ আৰু ইয়াৰ আশে পাখে বহু গৰু চুৰি হৈ আছিল৷
