ৰঙিয়াঃ ৰঙিয়া জিলা ক্ৰীড়া সন্থাৰ উদ্যোগত জয়ন্তীপুৰ যোগেশ্বৰ বিদ্যাপীঠ হাইস্কুল খেলপথাৰত আজিৰে পৰা আৰম্ভ হয় স্বৰ্গীয় নিজুম বড়ো সোৱৰণী ৰঙিয়া ‘চুপাৰ ডিভিজন ফুটবল লীগ’ প্ৰতিযোগিতা। আজিৰ উদ্বোধনী খেলত কলমনি মিলিজুলি যুৱক সংঘই বালিসত্ৰ আঞ্চলিক ক্ৰীড়া সন্থাক ১ – ০ গ’লত পৰাজিত কৰি অগ্ৰগতি লাভ কৰে। খেলখনৰ আৰম্ভণিতে স্বৰ্গীয় নিজুম বড়োৰ মাতৃ তুলিকা বড়োয়ে অসম ফুটবল সন্থাৰ উপ সভাপতি তথা জিলা ক্ৰীড়া সন্থাৰ সাধাৰন সম্পাদক মুকুতানন্দ ভট্টাচার্য্যৰ উপস্থিতিত শুভ উদ্বোধন কৰে। আজিৰ খেলখন পৰিচালনা কৰে ৰেফাৰী আনচাৰ উদ্দিন আহমেদ, সতীশ চন্দ্ৰ ডেকা, ৰিজুল হক চৌধুৰী আৰু পহৰেদ আলী আহমেদে৷ কাইলৈ চুপাৰ ডিভিজন লীগৰ দ্বিতীয়খন খেলত ৰঙিয়া টাউন ক্লাৱে তীব্ৰ প্ৰতিদ্বন্দিতা আগবঢ়াব জাৰকোনা জংগলী ক্লাবৰ বিৰুদ্ধে৷
