বকোঃ কামৰূপ জিলাৰ বকো আৰক্ষী থানাৰ অন্তৰ্গত হালধিপাৰা গাওঁৰ এগৰাকী বোৱাৰী বিগত যোৱা ১০ মে’ৰ পৰা সন্ধানহীন হৈ আছে। এই ক্ষেত্ৰত সন্ধানহীন মহিলা গৰাকীৰ স্বামী দিগন্ত ৰাভাৰ গৃহত হাহাকাৰ সৃষ্টি হৈছে। ইফালে দিগন্ত ৰাভাৰ পত্নী ছমইনা ৰাভা সন্ধান হীন হোৱাৰ পিছত মহিলা গৰাকীৰ পিতৃ গৃহ বঙাইগাঁও জিলাৰ দাংতল অঞ্চলৰ কিনাপুৰ গাওঁৰ গৃহত বিচাৰ খোচৰ কৰাৰ লগতে মহিলা গৰাকীৰ পৰিয়ালৰ আত্মীয় স্বজনৰ গৃহত যোগাযোগ কৰা হৈছে। তৎস্বত্তেও কোনো সম্ভেদ পোৱা নাই। ইফালে ছমইনা ৰাভা নিৰুদ্দেশ হোৱা খৱৰ এজাহাৰৰ জৰিয়তে বকো আৰক্ষী থানাত অৱগত কৰিছে যদিও আৰক্ষীয়ে কোনো অগ্ৰগতি লাভ কৰিব
পৰা নাই বুলি আক্ষেপ প্ৰকাশ কৰে দিগন্ত ৰাভাৰ পৰিয়ালে। ইফালে আজি ঘটনা সন্দৰ্ভত সংবাদ মাধ্যমৰ আগত ক্ষোভ আৰু দুখেৰে প্ৰকাশ কৰে যে ছমইনা ৰাভাই সেই দিনা বঙাইগাঁওৰ দাংতলৰ গাওঁত বিয়া খাৱলৈ ওলাই গৈছিল কিন্তু আজিলৈ নিৰুদ্দেশ হৈ থাকিল। লগত থকা ম’ৱাইল ফোনটোৰো ছুইচ অফ হৈ আছে। সেয়ে মহিলা গৰাকীক সন্ধান পাৱলৈ আজি সংবাদ মাধ্যমৰ জৰিয়তে দিগন্ত ৰাভাই ফটো আৰু মোৱাইল ফোন নম্বৰ ৰাজহুৱা কৰে। কোনোবাই সম্ভেদ পালে তলৰ ঠিকনা অথবা ফোন নম্বৰ ৭৮৯৬৮-৩৬০৮৩আৰু ৯৩৯৫২-৬৫৪১৭ অত যোগাযোগ কৰিবলৈ আহ্বান জনাইছে।
