ৰঙিয়াঃ ৰঙিয়া জিলা ক্ৰীড়া সন্থাৰ উদ্যোগত জয়ন্তীপুৰ যোগেশ্বৰ বিদ্যাপীঠ হাইস্কুল খেলপথাৰত চলি থকা ৰঙিয়া ‘বি ডিভিজন ফুটবল লীগ’ প্ৰতিযোগিতাৰ আজিৰ এখন উত্তেজনাপূৰ্ণ লীগখেলত দুয়োটা দলে ৩ -৩ গ’ল দি অমীমাংসিত ভাৱে সামৰণি মাৰে৷ আনহাতে খৈৰাবাৰী ফুট গধূলী ক্লাৱৰ ১৫ নম্বৰ জাৰ্চি পৰিহিত খেলুৱৈ গৰাকীয়ে মাৰাত্মক খেল প্ৰদৰ্শন কৰাত ৰেফাৰীয়ে তেওঁক খেলপথাৰৰ পৰা বাহিৰ কৰি দিয়ে। ইয়াৰোপৰি খৈৰাবাৰী ফুট গধূলী ক্লাৱৰ ১৩ নম্বৰ, ২ নম্বৰ আৰু ৩ নম্বৰ খেলুৱৈ তিনিগৰাকীক হালধীয়া কাৰ্ড দেখুৱাৰ বিপৰীতে ৰঙিয়া এন এফ ৰেলৱে এফ চিৰ ৭ নম্বৰ আৰু ৩ নম্বৰ জাৰ্চি পৰিহিত খেলুৱৈ দুগৰাকীকো খেল পৰিচালকে হালধীয়া কাৰ্ড দেখুৱাই। আজিৰ খেলখন পৰিচালনা কৰে ৰেফাৰী নিপন মেধি, বাহাৰুল ইছলাম, অনিল বড়ো আৰু পহৰেদ আলী আহমেদে৷ কাইলৈ আন এখন লীগ খেলত বাইহাটা চাৰিআলিৰ প্ৰক্ষালন ক্লাৱে পীতাম্বৰৰ বাৰদৈ ক্লাৱৰ বিৰুদ্ধে প্ৰতিদ্বন্দিতা আগবঢ়াব৷
