ৰঙিয়াৰ পৰা পহৰেদ আলী আহমেদঃ ৰঙিয়া জিলা ক্ৰীড়া সন্থাৰ উদ্যোগত জয়ন্তীপুৰ যোগেশ্বৰ বিদ্যাপীঠ হাইস্কুল খেলপথাৰত চলি থকা ৰঙিয়া ‘বি ডিভিজন ফুটবল লীগ’ প্ৰতিযোগিতাৰ আজিৰ এখন আমোদজনক লীগখেলত কেতেকীবাৰী জ্ঞানদা সংঘই কমলপুৰ ফুটবল ক্লাবক ৩- ০ গ’লত পৰাজিত কৰি লীগৰ সম্পূৰ্ণ পইন্ট অৰ্জন কৰে।উল্লেখ্য প্ৰথমাৰ্ধৰ অন্তত অমীমাংসিত হৈ ৰোৱা খেলখনৰ দ্বিতীয়াৰ্ধৰ ২ মিনিট, ২৪ মিনিট আৰু ৪৫ মিনিটত কমলপুৰৰ এফ চিৰ বিৰুদ্ধে তিনিটা গ’ল দি কেতেকীবাৰী জ্ঞানদা সংঘৰ ৪ নং জাৰ্চি পৰিহিত ইজাজুুল হ’কে হেট্ৰিক অৰ্জন কৰে। খেলখন পৰিচালনা কৰে ৰেফাৰী পহৰেদ আলী আহমেদ, সতীশ কুমাৰ ডেকা, নিপন বড়ো আৰু দিপক কুমাৰ কলিতাই৷ কাইলৈ আন এখন লীগ খেলত বাইহাটা চাৰিআলিৰ প্ৰক্ষালন ক্লাৱে জাপিয়া এফ চিৰ বিৰুদ্ধে প্ৰতিদ্বন্দিতা আগবঢ়াব৷
