ৰঙিয়াঃ ৰঙিয়া জিলা ক্ৰীড়া সন্থাৰ উদ্যোগত জয়ন্তীপুৰ যোগেশ্বৰ বিদ্যাপীঠ হাইস্কুল খেলপথাৰত চলি থকা ৰঙিয়া ‘বি ডিভিজন’ ফুটবল লীগ প্ৰতিযোগিতাৰ আজিৰ পীতাম্বৰৰ বাৰদৈ ক্লাৱে জাপিয়া এফ চিক নুন্যতম গ’লত পৰাজিত কৰি অগ্ৰগতি লাভ কৰে।অতি উত্তেজনাপূৰ্ণ খেলখনত বাৰদৈ ক্লাৱৰ ৮ নং জাৰ্চি পৰিহিত খেলুৱৈ গৰাকীয়ে নীতি বৰ্হিভূত ভাৱে খেল প্ৰদৰ্শন কৰাত ৰেফাৰীয়ে ৰঙা কাৰ্ড দেখুৱাই খেলপথাৰৰ পৰা বহিষ্কাৰ কৰে। খেলখন পৰিচালনা কৰে ৰেফাৰী পহৰেদ আলী আহমেদে, জয়ন্ত মাধৱ দাস, তপন শৰ্মা আৰু সতীশ ডেকাই৷ কাইলৈৰ দ্বিতীয়খন লীগৰ খেলত প্ৰতিদ্বন্দিতা আগবঢ়াব কেতেকীবাৰী এফ চিয়ে খৈৰাবাৰী ফুট গধূলী ক্লাৱৰ বিৰুদ্ধে।
