মিৰ্জাঃ দক্ষিণ কামৰূপৰ বাটৰহাটস্থিত ৩১ নং দহালী প্ৰাথমিক বিদ্যালয়ত শ্যামা নৃত্যাঞ্জলিৰ উদ্যোগত সপ্তাহজোৰা এখনি কথক নৃত্যৰ কৰ্মশালা অনুষ্ঠিত হৈ যায়। প্ৰায় ৩০গৰাকী ছাত্ৰ-ছাত্ৰীয়ে অংশগ্রহণ কৰা এই কথক নৃত্যৰ কৰ্মশালাত প্ৰশিক্ষণ প্ৰদান কৰে গুৰু ৰাকেশ মণ্ডল, তবলা বাদক দেৱজিৎ মিশ্ৰ আৰু চিতাৰ বাদক চন্দন হাজৰিকাই। ১৬ জুলাইৰ পুৱা বন্তি প্ৰজ্জ্বলনেৰে সামৰণি অনুষ্ঠিানৰ শুভাৰম্ভ কৰে প্ৰধান শিক্ষক অনিল কলিতাই। কলিতাই উদ্বোধনী ভাষণত
কথক নৃত্যৰ ওপৰত মন্তব্য কৰাৰ উপৰিও শ্যামা নৃত্যাঞ্জলি অনুষ্ঠিানটিক ভূয়সী প্ৰশংসা কৰে৷ অনাগত দিনত অঞ্চলটোৰ ছাত্ৰ-ছাত্ৰীসকলক কথক নৃত্যৰ প্ৰতি আগ্ৰহী কৰি তুলিবলৈ সঘনাই এনে কৰ্মশালা আয়োজন কৰিবলৈ কলিতাই আহ্বান জনায়। উল্লেখ্য কৰ্মশালাৰ অন্তিম দিনত সকলো ছাত্ৰী-ছাত্ৰীৰ দ্বাৰা কথক নৃত্য প্ৰদৰ্শন কৰা হয়৷ অনুষ্ঠানত অংশগ্রহণ কৰা সকলো ছাত্ৰ-ছাত্ৰীক প্ৰমাণ পত্ৰ প্ৰদান কৰে৷
