গুৱাহাটীঃ নুনমাটি আৰক্ষী থানা এলেকাত পুনৰ চাঞ্চল্যকৰ ঘটনা সংঘটিত হৈছে৷ নিশাৰ ৰাজপথত মহিলাক আক্ৰমন কৰি নগদ ধন কাঢ়ি নিয়া ঘটনাই তীব্ৰ চাঞ্চল্যৰ সৃষ্টি হৈছে৷ চূনচালিৰ শিৱ মন্দিৰৰ সমীপত এই ঘটনা সংঘটিত হৈছে৷ মহিলাগৰাকীক আক্ৰমন কৰা যুৱক জন চূনচালিৰ ধৰমবীৰ যাদৱ বুলি জানিব পৰা গৈছে ৷ মহিলা গৰাকী পথেৰে গৈ থকা অৱস্থাত যুৱক জনে মহিলা গৰাকীক শাৰীৰিক ভাবে আক্ৰমণ কৰাৰ লগতে চোকা অস্ত্ৰৰে মহিলা গৰাকীৰ হাতত আক্ৰমন কৰি নগদ ধন কাঢ়ি নিয়া বুলি জানিবলৈ দিয়ে৷ ভুক্তভোগী মহিলা গৰাকী চূণচালিৰ বাসিন্দা সুমিত্ৰা দেৱী। আনহাতেহসমগ্ৰ ঘটনা সন্দৰ্ভত ভুক্তভোগী মহিলা গৰাকীয়ে নিশা নুনমাটি আৰক্ষী থানাত এখন এজাহাৰ দাখিল কৰিছে৷ আৰক্ষীয়ে মহিলাগৰাকীৰ এজাহাৰৰ ভিক্তিত এটা গোচৰ ৰুজু কৰি তদন্ত অব্যাহত ৰাখিছে৷
