বকোঃ কামৰূপ জিলাৰ বকো আৰক্ষী থানাৰ অন্তৰ্গত শিংৰাৰ দাতি কাষৰীয়া গাওঁ বৰগাও বাকাৰাপাৰাত যোৱা ২০ মে’ অৰ্থাৎ সোমবাৰে গাওঁ খনৰ উত্তম দাস নামৰ এজন লোক সন্ধানহীন হয়। প্ৰাপ্ত তথ্য অনুসৰি আবেলি ভাগৰ পৰাই লোক জন সন্ধানহীন হৈ আছিল। জানিব পৰা মতে যোৱা কালি সোমবাৰৰ আবেলি নদীৰ সিপাৰৰ আলহীৰ ঘৰৰ উভতি আহি নদী পাৰ হৱ খোজতে পিছলি পৰে আৰু তেতিয়াৰ পৰা সন্ধান পোৱা নাছিল লোক জনৰ। ইফালে প্ৰত্যক্ষ দৰ্শীৰ ভাষ্য অনুসৰি শিংৰা নদীৰ তীব্ৰ বোৱতি সোতত উতি গৈছিল লোকজন৷ প্ৰথমতে
স্থানীয় লোকে উদ্ধাৰ অভিযান চলাই যদিও লোকজনৰ কোনো সম্ভেদ উলিয়াব পৰা নাছিল ৷ আজি এছ ডি আৰ এফ ৰ সহযোগত মৃত উত্তম দাসক উদ্ধাৰ কৰিবলৈ সক্ষম হয় ৷ ঘটনা স্থলীত বকো আৰক্ষী উপস্থিত হৈ মৃতদেহ থানালৈ আনে আৰু মৰণোত্তৰ পৰীক্ষাৰ বাবে জি এম চি লৈ প্ৰেৰণ কৰে।
