টংলাৰ পৰা অৰূপ বড়োঃ ওদালগুৰি জিলাৰ পানেৰী সমষ্টিৰ গেৰুৱা গাঁও নামঘৰত সোমবাৰে গেৰুৱা গাঁও উন্নয়ন সমিতিৰ উদ্যোগত হাইস্কুল শিক্ষান্ত আৰু উচ্চতৰ মাধ্যমিক চূড়ান্ত পৰীক্ষাত কৃতিত্বৰে উত্তীৰ্ণ ১৭ গৰাকী কৃতি ছাত্ৰ -ছাত্ৰীক সম্বৰ্ধনা জনোৱা হয়। গেৰুৱা গাঁও উন্নয়ন সমিতিৰ সভাপতি দণ্ডীৰাম ৰাভাই সঞ্চালনা কৰা সম্বৰ্ধনা অনুষ্ঠানত গেৰুৱা ফুটুকীবাৰী প্ৰাথমিক বিদ্যালয়ৰ প্ৰধান শিক্ষক জিতেন্দ্ৰ ৰাভা, সহ শিক্ষক মহম্মদ ইক্ৰামূল মজিদ, সোণাৰাম দাসে সম্বৰ্ধিত শিক্ষাৰ্থীক উদ্দেশ্যি নিয়মীয়া অধ্যয়ন, বাহিৰা কিতাপ
পঢ়া, সফলতাৰ ধাৰা অক্ষুণ্ণ ৰাখিবলৈ, পিতৃ -মাতৃ তথা অভিভাৱকৰ কথা শুনা, নিজে বাছি লোৱা কৰ্মক্ষেত্ৰত সফলতা অৰ্জন কৰিবলৈ আৰু এগৰাকী সুনাগৰিক হ’বলৈ আহ্বান জনোৱাৰ লগতে আশীৰ্বাদ প্ৰদান কৰে।গাঁও উন্নয়ন সমিতিৰ সম্পাদক তপন ৰাভা, প্ৰাক্তন সম্পাদক বিপিন ৰাভাই উপদেশমূলক ভাষণ দিয়ে। সভাত প্ৰসন্নজিৎ ৰাভা, নন্দিতা ৰাভা, দলিমা ৰাভা, জুৰিমনি ৰাভা, ধনজিৎ ৰাভা, দেৱৰাজ ৰাভা, ধীৰাজ ৰাভা প্ৰমুখ্যে ছাত্ৰ -ছাত্ৰীক ফুলাম পাজাৰ, অভিনন্দন পত্ৰ আৰু গ্ৰন্থৰে সম্বৰ্ধনা জনোৱা হয়।
