দৰংঃ সমূহ অসমবাসী তথা দখলা কলিতাপাৰা ৰাইজ গয়ৰহৰ মঙ্গলাৰ্থে বিগত বছৰ বোৰৰ দৰে এইবেলিও ৩ জুলাইত মাংগলিক কাৰ্যসূচীৰে দখলা কলিতাপাৰাৰ শ্ৰীশ্ৰী বুঢ়া গোঁসাই নামঘৰত বছৰেকীয়া হোমযজ্ঞৰ আয়োজন কৰিছে বুলি ৰাইজ গয়ৰহৰ সভাপতি জয়ন্ত কলিতা (কাকতি) আৰু সাধাৰণ সম্পাদক জগদীশ দাসে জানিবলৈ দিছে। কাৰ্যসূচী অনুসৰি উক্তদিনা পুৱা ৯ বজাত ধৰ্মধ্বজা উত্তোলন কৰিব ৰাইজ গয়ৰহৰ সভাপতি জয়ন্ত কলিতা (কাকতি), ইয়াৰ পিছতে বৃক্ষৰোপন কৰিব পুলক দাস আৰু দ্বিজেন দাসে। ১০.৩০ বজাত হোমযজ্ঞ আৰম্ভ। হোমযজ্ঞৰ বৰণ লব পংকজ দাসে। দুপৰীয়া
২ বজাত ভোগ বিতৰণ আৰু নিমন্ত্ৰিত অতিথিৰ অভ্যৰ্থনা। হোমযজ্ঞৰ লগত সংগতি ৰাখি ৬ জুলাইৰ সন্ধিয়া ৮ বজাত ছিপাঝাৰ মিলিজুলি ছোৱালীৰ নাগাৰা নাম পৰিবেশন। নাম পৰিবেশন কৰিব জনপ্ৰিয় পাঠিকা কৰিশ্মা নাথে। নাগাৰা নামৰ পূৰ্বে সন্ধিয়া ৭ বজাত মঞ্চ মুকলি কৰিব যুৱ সমাজকৰ্মী হিমাংশু শেখৰ বৈশ্যই। ৭.৩০ বজাত বন্তি প্ৰজ্বলন কৰিব বিশিষ্ট সমাজকৰ্মী পংকজ লোচন গোস্বামীয়ে। উক্ত দুয়োদিনৰ কাৰ্যসূচীত ধৰ্মপ্ৰাণ ৰাইজৰ সহায়-সহযোগ তথা উপস্থিতি আন্তৰিকতাৰে কামনা কৰিছে দখলা কলিতাপাৰা ৰাইজ গয়ৰহে।
