বকোঃ ভগৱান প্ৰভূ শ্ৰীৰামৰ জন্মভূমি অযোধ্যাত আজি পবিত্ৰ ৰাম মন্দিৰৰ প্ৰাণ প্ৰতিষ্ঠা কৰা হয়। প্ৰভূ শ্ৰী ৰাম চন্দ্ৰৰ মন্দিৰৰ প্ৰাণ প্ৰতিষ্ঠাৰ লগত সংগতি ৰাখি অসম মুলুকৰ কামৰূপ জিলাৰ বকোতো উদযাপন কৰা হয় ৰামলালা মহোৎসৱ। অযোধ্যাত ৰামলালা উৎসৱৰ দৰে বকোৰ ৰাম জাখালা সীতা পাতাল পুৰী মন্দিৰ আৰু বকোস্থিত শ্ৰী শ্ৰী বাবা বুঢ়াগোহাঁই মন্দিৰ পৰিচালনা সমিতিৰ উদ্যোগতো মহোৎসৱ পালন কৰা হয়। ৰাম জাখালা মন্দিৰ পৰিচালনা সমিতিৰ সভাপতি মিলন কুমাৰ ৰাভা, বাবা বুঢ়াগোহাঁই মন্দিৰ পৰিচালনা সমিতিৰ সভাপতি ভূৱন মেধি আৰু বিশ্ব হিন্দু পৰিষদৰ দক্ষিণ কামৰূপ জিলা সমিতিৰ সেৱা প্ৰমুখ তথা হিন্দুত্ববাদী
নেতা প্ৰণৱ মহন্তৰ তৎপৰতাত আৰু বুঢ়াগোহাঁই মন্দিৰ পৰিচালনা সমিতিৰ সাধাৰণ সম্পাদক দীপক কুমাৰ ৰাভাৰ সহযোগত এক উৎসৱ মুখৰ পৰিবেশ সৃষ্টি কৰি পালন কৰা হয় ৰামলালা মহোৎসৱ। ৰাম চন্দ্ৰৰ মন্দিৰৰ প্ৰাণ প্ৰতিষ্ঠাৰ মহোৎসৱত বকো অঞ্চলৰ সহস্ৰাধিক ধৰ্মপ্ৰাণ লোকৰ উপৰিও বুঢ়াগোহাঁই মন্দিৰ পৰিচালনা সমিতিৰ সকলো বিষয় ববীয়াই সহযোগ আগবঢ়াই।
