কাজলগাঁওঃ অসম চৰকাৰৰ ক্ৰীড়া আৰু যুৱ কল্যাণ সঞ্চালকালয়ৰ তত্বাৱধানত চিৰাং জিলা প্ৰশাসন আৰু চিৰাং জিলা ক্ৰীড়া বিভাগৰ উদ্যোগত অনুষ্ঠিত ‘খেল মহাৰণ ২০২৩’ৰ জিলা পৰ্যায়ৰ প্ৰতিযোগিতাখনি আজি সফল সামৰণি পৰে। জিলাখনৰ অন্তৰ্গত দুটা বিধানসভা সমষ্টি ক্ৰমে চিডলী আৰু বিজনী সমষ্টিৰ মাজত কাজলগাঁওস্থিত জিলা ক্ৰীড়া সন্থাৰ খেল পথাৰত আয়োজিত খেলমহাৰণৰ আজি অন্তিম দিনা মুখ্য অতিথি হিচাপে উপস্থিত থাকে কেবিনেট মন্ত্ৰী উৰ্খাও গৌৰা ব্ৰহ্ম। ইয়াৰোপৰি ৰাজ্যসভাৰ সাংসদ ৰণগৌৰা নাৰ্জাৰী, চিদলীৰ বিধায়ক জয়ন্ত বসুমতাৰী, গোসাঁইগাঁৱৰ বিধায়ক জিৰণ বসুমতাৰী, চিৰাং জিলাৰ আয়ুক্ত পি বিজয় ভাস্কৰ
ৰেড্ডী, জিলা ক্ৰীড়া বিষয়া দশৰথ ব্ৰহ্মসহ খেল মহাৰণৰ সতে জড়িত বিষয়া কৰ্মচাৰী সকল উপস্থিত থাকে ৷ আজি অনুষ্ঠিত খেলসমূহৰ ফলাফল এনেধৰণৰ- ১৯ বছৰ উৰ্ধৰ ল’ৰাৰ ফুটবলত চেম্পিয়ন চিডলী, ৰাণাৰ্ছআপ বিজনী, ১৯ বছৰ অনূৰ্ধৰ ল’ৰাৰ ফুটবলত চেম্পিয়ন বিজনী, ৰাণাৰ্ছআপ চিডলী, ১৯ বছৰ অনূৰ্ধৰ ছোৱালীৰ ফুটবলত চেম্পিয়ন চিডলী, ৰাণাৰ্ছআপ বিজনী; ১৯ বছৰ অনূৰ্ধৰ ল’ৰাৰ কাবাডীত চেম্পিয়ন চিডলী, ৰাণাৰ্ছআপ বিজনী, ১৯ বছৰ অনূৰ্ধৰ ছোৱালীৰ কাবাডীত চেম্পিয়ন চিডলী, ৰাণাৰ্ছআপ বিজনী, ১৯ বছৰ অনূৰ্ধৰ ল’ৰাৰ ভলীবলত চেম্পিয়ন বিজনী, ৰাণাৰ্ছআপ চিডলী; ১৯ বছৰ অনূৰ্ধৰ ছোৱালীৰ ভলীবলত চেম্পিয়ন বিজনী আৰু ৰাণাৰ্ছআপ চিডলী।
