গুৱাহাটীঃ ৰাভা দিৱসৰ লগত সংগতি ৰাখি আজি অসম গণ পৰিষদৰ ভাতৃ সংগঠন অসম যুৱ পৰিষদৰ কেন্দ্ৰীয় সমিতিয়ে গুৱাহাটীত বিশিষ্ট বাঁহীবাদক দীপক শৰ্মাক তেখেতৰ বাসগৃহত উপস্থিত হৈ এইবৰ্ষৰ কলাগুৰু বটাঁ সন্মানেৰে সন্মানিত কৰে৷ অসম যুৱ পৰিষদৰ সভাপতি জিতু বৰগোহাঁইয়ে কয় যে বিগত তিনিবছৰ ধৰি অসম যুৱ পৰিষদে ৰাভা দিবসৰ দিনটোত সাংস্কৃতিক, সামাজিক জগতৰ লগত জড়িত ব্যক্তি সকলক ‘কলাগুৰু বটাঁ’ প্ৰদান কৰি আহিছে৷ আজিৰ এই বটাঁ প্ৰদান অনুষ্ঠানত অসম যুৱ পৰিষদৰ সভাপতি জিতু বৰগোহাঁই আৰু কেন্দ্ৰীয় নেতৃবৰ্গ লগতে অসম যুৱ পৰিষদ মহানগৰ সমিতিৰ বিষয়ববীয়া সকলো উপস্থিত থাকে৷
