বকোঃ চিনেমাৰ কায়দাৰে এগৰাকী বিধৱা মহিলাৰ ওপৰত আক্ৰমণ কৰি বীৰত্ব প্ৰদৰ্শন কৰা খৱৰ পোহৰ হৈছে কামৰূপ জিলাৰ বকোত। বকো আৰক্ষী থানাৰ অন্তৰ্গত দক্ষিণ বৰপাৰাৰ বাসিন্দা প্ৰয়াত দিলীপ কৰ্মকাৰৰ পত্নী জুনু কৰ্মকাৰৰ ওপৰত যোৱা কালি গণ আক্ৰমণ কৰে বকোৰ এটা পঞ্চায়তৰ সভাপতি দেবেন ৰাভাই। ঘটনা সন্দৰ্ভত আজি জুনু কৰ্মকাৰে সাংবাদিকৰ আগত বিৱৰি জনায় যে ; বকো কাইঠপাৰা গাওঁৰ লোক অৱসৰপ্ৰাপ্ত শিক্ষক তথা ৬৮ নং উত্তৰ বকো গাওঁ পঞ্চায়তৰ সভাপতি দেৱেন ৰাভাই মাটি বাৰীক লৈ প্ৰায়েই হাই কাজিয়া কৰি থাকে। এই সম্পৰ্কে যোৱা কালি দেৱেন ৰাভাই চিনেমাৰ কায়দাৰে ১৫ /২০ গৰাকী ভেৰোণীয়া
অনুগত লগত লৈ মোক আক্ৰমণ কৰে। গুণ্ডা বাহিনীৰ আক্ৰমণত বেয়াকৈ আঘাত হয় আৰু চিকিৎসাধীন হ’ব লগা হয়। আনহাতে দেৱেনৰ বাহিনীটোৱে জুনু কৰ্মকাৰৰ গৃহত উপদ্ৰৱ কৰি বিস্তৰ ক্ষতি সাধন কৰে। ঘটনা সন্দৰ্ভত সবিশেষ জনায় বকো আৰক্ষী থানাত এজাহাৰ দিয়া হৈছে। আৰক্ষীয়ে অপৰাধীৰ বিৰুদ্ধে কেনে ব্যৱস্থা গ্ৰহণ কৰে সেয়া পৰিলক্ষিত হ’ব।
