বকোঃ পিতৃহাৰা হ’ল চেটেলাইট মিডিয়া হাউছ ডি ৱাই ৩৬৫ ৰ ডিজিটেল শাখাৰ কৰ্মী জনঠাইগিৰি খাখলাৰী।যোৱা নিশা কামৰূপ জিলাৰ বকোৰ লাংকোণাত অজস্ৰ গুণমুগ্ধ সহ সংবাদ মাধ্যমৰ কৰ্মী গৰাকীক এৰি শেষ নিশ্বাস ত্যাগ কৰে বড়ো জাতীয় নেতা প্ৰায় ৬০ বছৰীয়া গোলাপ বড়ো। একালত নিখিল বড়ো ছাত্ৰ সন্থাৰ দক্ষিণ কামৰূপ জিলা সমিতিৰ উপ সভাপতিৰ দায়িত্ব লৈ জাতীয় সংগঠনটোৰ নেতৃত্ব বহন কৰা বড়ো আন্দোলনৰ নেতা গোলাপ বড়োৰ মৃত্যুত সমগ্ৰ দক্ষিণ কামৰূপতে শোকৰ ছাঁ পৰিছে। আজি মৃতকৰ গৃহত আত্মাৰ সদগতিৰ বাবে শোক সভা পালন কৰি বড়ো কছাৰী উন্নয়ন স্বায়ত্ব শাসিত কল্যাণ পৰিষদৰ কাৰ্য্যবাহী সদস্য, কামৰূপ জিলা
বড়ো সাহিত্য সভা, দক্ষিণ কামৰূপ জিলা বড়ো ছাত্ৰ সন্থা, বড়ো জাতীয় পৰিষদ, বড়ো মহিলা কল্যাণ পৰিষদ, বড়ো বাথৌ মহাসভা, বড়ো হাৰিমু আফাদ, বকো আৰু শিংৰা হাইস্কুলৰ বড়ো মাধ্যমৰ শিক্ষক গোট, ছয়গাঁও আৰু পলাশবাৰীৰ বড়ো জাতীয় নেতৃবৃন্দই মৃতকক শেষ শ্ৰদ্ধা জনায়। ইফালে শিক্ষক পত্নী ভানুমতী বড়ো সহ অজশ্ৰ আত্মীয় স্বজনক ইহসংহাৰত এৰি যায় গোলাপ বড়োই।
