বকোঃ আজি ৰূপৰ কোঁৱৰ জ্যোতিপ্ৰসাদ আগৰৱালাৰ ওপজা দিন। প্ৰবাদ প্ৰতীম শিল্পী গৰাকীৰ জনম দিন সমগ্ৰ দেশে পালন কৰাৰ দৰে কামৰূপ জিলাৰ বকো সাহিত্য সভা শতদল শাখাই পালন কৰি আহিছে। বকো সাহিত্য সভাৰ উদ্যোগত বিগত বছৰবোৰৰ দৰে এই বৰ্ষও আজি পালন কৰা হয় সুন্দৰৰ পূজাৰী জ্যোতিপ্ৰসাদ আগৰৱালাৰ ওপজা দিন। ইফালে কিংবদন্তি শিল্পী গৰাকীক সোঁৱৰণ কৰিবলৈ শিল্পী গৰাকীৰ বৃহৎ প্ৰতিচ্ছবিত বন্তি প্ৰজ্বলন আৰু মাল্যাৰ্পন কৰে অসম সাহিত্য সভাৰ কেন্দ্ৰীয় সমিতিৰ কাৰ্য্যনিৰ্বাহক সভ্য ড° গণেশ্বৰ চহৰীয়াই। বকো সাহিত্য সভা ভৱনত সভাৰ
সাধাৰণ সম্পাদক জনাৰ্দন বড়োৰ তৎপৰতাত আয়োজন কৰা অনুস্থানত সভাপতি বিজয়া ডেকাই সহযোগ আগবঢ়াই। বকো সাহিত্য সভাৰ সহকাৰী সম্পাদক বিষ্ণু ৰাম দাসে আত ধৰা অনুস্থানত আগৰৱালা দেৱৰ জীৱন দৰ্শনৰ ওপৰত আলোকপাত কৰে ড° চহৰীয়াই। অনুস্থানত বকো সাহিত্য সভাৰ কেৱা গৰাকী বিষয় ববীয়াই অংশগ্ৰহণ কৰে।
