বকোঃ মহিলা সাৱলীকৰণৰ লগতে নৱ প্ৰজন্মৰ মাজত বৌদ্ধিক বিকাশৰ বাবে সামাজিক কাম কৰি থকা সংগঠন জাগৃতি মহিলা সমিতিৰ উদ্যোগত আয়োজন কৰা হৈছে ষষ্ঠ বাৰ্ষিক শিশু দিৱস। শিশুৰ বৌদ্ধিক বিকাশত গুৰুত্ব দি বিগত বছৰবোৰৰ দৰে এই বৰ্ষত ষষ্ঠ সংখ্যক বৰ্ষৰ বাবে আয়োজন কৰা হৈছে শিশু দিৱসৰ কাৰ্য্যসূচী। প্ৰাপ্ত তথ্য অনুসৰি দক্ষিণ কামৰূপ জিলা আৰু গুৱাহাটী মহানগৰৰ জাগৃতি মহিলা সমিতিৰ উদ্যোগত পালন কৰা হৈছে শিশু দিৱস আৰু বাৰ্ষিক কাৰ্য্যসুচী। মহিলা সংগঠনটোৰ দক্ষিণ কামৰূপ জিলা সমিতিৰ সভানেত্ৰী মেঘালী দাস সম্পাদিকা চন্দ্ৰমা কলিতা, বকো আঞ্চলিক সমিও সভানেত্ৰী নিলিমা বায়ণ কলিতা আৰু সম্পাদিকা
অৰ্পনা ডেকাই জনোৱা মতে শিশু দিৱসৰ কাৰ্য্যসুচী অনুসৰি পুৱা পতাকা উত্তোলন, বকো মজলীয়া বিদ্যালয়ত চিত্ৰাংকন প্ৰতিযোগিতা। ইয়াৰ তিনি গৰাকী ছাত্ৰ ছাত্ৰীক বঁটা আৰু মানপত্ৰ আৰু মাননি দিয়া হয়। দিনৰ ভাগত আয়তীৰ নাম প্ৰসংগ আৰু ভিন্ন কাৰ্য্যসূচী ৰূপায়ণ কৰা হয়।
