গুৱাহাটীঃ ভাৰতীয় জনতা পাৰ্টি, অসম প্ৰদেশৰ সভাপতি ভৱেশ কলিতাই অসমবাসী ৰাইজলৈ কাতি বিহুৰ শুভেচ্ছা জনাইছে। দলৰ মুখ্য কাৰ্যালয়ৰ পৰা প্ৰেৰন কৰা এক প্ৰেছ বাৰ্তাত ভৱেশ কলিতাই কয় আদৰৰ কাতি বিহুৰ আকাশবন্তিৰ পোহৰেৰে উজলি উঠক অসমৰ সমাজ জীৱন। আগন্তুক দিনবোৰত পথাৰবোৰ সোণগুটিৰে উপচি শস্যশ্যামলা হৈ পৰক, নতুন সম্ভাৱনাৰে সোণোৱালী হৈ উঠক কৃষিজীৱী ৰাইজৰ সপোন, তাৰেই কামনাৰে সমূহ ৰাইজক কাতি বিহুৰ আন্তৰিক ওলগ জনালোঁ। কলিতাই লগতে কয় বাপতিসাহোন বিহুটিৰ পৰম্পৰাই নাশ কৰক চহা জীৱনৰ সকলো অপায়- অমংগল আৰু সমৃদ্ধিশালী হওক হেঁপাহৰ প্ৰতিটো ভঁৰাল।
