বকোঃ বড়ো জাতীয় নেতা ইউ এন ব্ৰহ্মৰ সমাজ সংস্কাৰধৰ্মী মনোভাৱক শ্ৰদ্ধা জনায় এবছুৰ উদ্যোগত আয়োজন কৰা হৈছে ক্ৰীড়া মহাৰণ। এই ক্ৰীড়া মহাৰণৰ অংশ হিচাপে শিশু তথা নতুন প্ৰজন্মক সু নাগৰিক হিচাপে গঢ়ি তোলাৰ লক্ষ্যৰে আয়োজন কৰিছে ১৩ বছৰ অনুৰ্ধ্বৰ ফুটবল খেল। এবছুৰ দক্ষিণ কামৰূপ জিলা সমিতিৰ সহযোগত হলংজুলীৰ খেলপথাৰত যোৱাকালিৰে পৰা আৰম্ভ হোৱা খেলত আজি প্ৰতিদ্বন্দিতা কৰে গুৱাহাটী ফুটবল দ’ল বনাম গোৱালপাৰা ফুটবল দলে। আজিৰ খেলত গুৱাহাটী দলে ২-১ গলত জয়লাভ কৰে বুলি জানিব দিয়ে সম্পাদক জীতেন বড়োই। ইফালে এবছুৰ কৰ্মী বাপন বড়োই জনোৱা মতে কাইলৈ দক্ষিণ কামৰূপ আৰু গুৱাহাটী দলৰ মাজত খেল অনুষ্ঠিত হ’ব।
