ৰঙিয়াঃ পাতিদৰং স্পোৰ্টচ ক্লাৱৰ উদ্যোগত পাতিদৰং বিদ্যাপীঠ উচ্চতৰ মাধ্যমিক বিদ্যালয় খেলপথাৰত চলি থকা সমাজকৰ্মী স্বৰ্গীয় বেহীৰাম কাকতি আৰু স্বৰ্গীয় ৰজনী কান্ত গোস্বামী সোঁৱৰণী প্ৰাইজমানি ফুটবল প্ৰতিযোগিতাৰ আজিৰ প্ৰথম ছেমি ফাইনেল খেলখন নুন্যতম গ’লত সামৰণি পৰাত টাইব্ৰেকাৰ পদ্ধতিত ৫ – ৪ গ’লত জাৰকোনা জংগলী ক্লাবে বিষ্ণুপুৰ এছ চি ডি চিক পৰাজিত কৰি ফাইনেলত প্ৰৱেশ কৰে। উল্লেখ্য যে আজিৰ প্ৰথম ছেমিফাইনেল খেলখন উদ্বোধন কৰে মঙ্গলদৈ লোকসভা সমষ্টিৰ সাংসদ দিলীপ শইকীয়াই।আনহাতে খেলখন পৰিচালনা কৰে নিপন মেধি, ৰিজুল হক চৌধুৰী, বাহাৰুল ইছলাম আৰু সতীশ কুমাৰ ডেকাই। কাইলৈৰ দ্বিতীয়খন ছেমিফাইনেলত অংশগ্ৰহণ কৰিব ভেহবাৰী ইয়ং গ্ৰুপ আৰু তামুলপুৰৰ বৰঘুলী এফ চিয়ে৷
