বকোঃ ৰাজ্য চৰকাৰে জিলা প্ৰশাসনৰ জৰিয়তে কৃৰ্তিমান শিক্ষক সকলোক সন্মান প্ৰদান কৰি এই বৰ্ষৰ ৬২ সংখ্যক শিক্ষক দিৱসত প্ৰদান কৰিছে বিশেষ সন্মান। এই উপলক্ষে কামৰূপ জিলা প্ৰশাসন আৰু জিলা শিক্ষা বিভাগৰ উদ্যোগত ৰঙিয়াৰ হৰদত্ত বীৰদত্ত ভৱনত আয়োজন কৰা হয় শিক্ষক দিৱসৰ বিশেষ কাৰ্য্যসূচী। জিলা প্ৰশাসন আৰু জিলা শিক্ষা বিভাগৰ উদ্যোগত আয়োজন কৰা শিক্ষক দিৱসৰ কাৰ্য্যসূচীত বহু শিক্ষকৰ লগতে বকো হাইস্কুলৰ প্ৰধান শিক্ষক ৰাজেশ মহন্তক অসম চৰকাৰৰ দ্বাৰা স্বীকৃত কৃৰ্তিমান শিক্ষক হিচাপে মনোনীত কৰি বঁটা প্ৰদান কৰে। ৰাজেশ মহন্তৰ এই সন্মানৰ বাবে বকোৰ শিক্ষক সমাজত সন্তোষ সৃষ্টি হৈছে।
