ৰঙিয়াঃ পাতিদৰং স্পোৰ্টচ ক্লাৱৰ উদ্যোগত পাতিদৰং বিদ্যাপীঠ উচ্চতৰ মাধ্যমিক বিদ্যালয় খেলপথাৰত চলি থকা সমাজকৰ্মী স্বৰ্গীয় বেহীৰাম কাকতি আৰু স্বৰ্গীয় ৰজনী কান্ত গোস্বামী সোঁৱৰণী প্ৰাইজমানি ফুটবল প্ৰতিযোগিতাৰ আজিৰ খেলত ৰামপুৰ এফ চিয়ে মৰানৈপাৰ পি এফ চিক ২ – ১ গ’লৰ ব্যৱধানত পৰাজিত কৰি ৰামপুৰ এফ চিয়ে কোৱাৰ্টাৰ ফাইনেলত প্ৰৱেশ কৰে।খেলখন পৰিচালনা কৰে ৰেফাৰী পহৰেদ আলী আহমেদ, সতীশ কুমাৰ ডেকা, আনচাৰ উদ্দিন আহমেদ আৰু আইনাল হ’কে। কাইলৈৰ খেলত দেউলকুছি বাৰচৌ এফ চিৰ বিৰুদ্ধে প্ৰতিদ্বন্দিতা আগবঢ়াব শিঙৰপাৰা এফ চিয়ে।
