সমাজকৰ্মী স্বৰ্গীয় বেহীৰাম কাকতি আৰু স্বৰ্গীয় ৰজনী কান্ত গোস্বামী সোঁৱৰণী প্ৰাইজমানি ফুটবল প্ৰতিযোগিতা
ৰঙিয়াঃ পাতিদৰং স্পোৰ্ট ক্লাৱৰ উদ্যোগত পাতিদৰং বিদ্যাপীঠ উচ্চতৰ মাধ্যমিক বিদ্যালয় খেলপথাৰত চলি থকা সমাজকৰ্মী স্বৰ্গীয় বেহীৰাম কাকতি আৰু স্বৰ্গীয় ৰজনী কান্ত গোস্বামী সোঁৱৰণী প্ৰাইজমানি ফুটবল প্ৰতিযোগিতাৰ আজিৰ খেলত ভেহবাৰী নিউ ষ্টাৰ ক্লাব আৰু বাইহাটা প্ৰক্ষালন ক্লাৱে তীব্ৰ প্ৰতিদ্বন্দিতা আগবঢ়াই যদিও নিৰ্ধাৰিত সময়ত অমীমাংসিত হয়। অৱশেষত টাইব্ৰেকাৰ পদ্ধতিত ৪ – ২ গ’লত প্ৰক্ষালন ক্লাৱক পৰাজিত কৰি কোৱাৰ্টাৰ ফাইনেলত প্ৰৱেশ কৰে ভেহবাৰী নিউ ষ্টাৰ ক্লাৱে। খেলখন পৰিচালনা কৰে ৰেফাৰী পহৰেদ আলী আহমেদ, সতীশ কুমাৰ ডেকা, নিপন বড়ো আৰু আইনাল হ’কে। ২৯ আগষ্টৰ আন এখন প্ৰি-কোৱাৰ্টাৰ খেলত অংশগ্ৰহণ কৰি জাৰকোনা জংগলী ক্লাবে প্ৰতিদ্বন্দিতা আগবঢ়াব কলাকুছি এফ চিৰ বিৰুদ্ধে৷
