বকো ক্ৰীড়া সন্থাৰ উদ্যোগত প্ৰয়াত মুক্তিযোদ্ধা ভূৱন চন্দ্ৰ দাস আৰু প্ৰয়াত সমাজ সেৱীকা প্ৰফুল্ল বালা দাস সোঁৱৰণী ফুটবলৰ আয়োজন

বকোঃ কামৰূপ জিলাৰ বকো ক্ৰীড়া সন্থাৰ উদ্যোগত বিগত বছৰবোৰৰ দৰে এই বৰ্ষও বাৰ্ষিক ফুটবল খেল খন অনুষ্ঠিত কৰা হৈছে। এই বৰ্ষত বকো ক্ৰীড়া সন্থাৰ উদ্যোগত ৩০ সংখ্যক বৰ্ষৰ বাবে খেল আয়োজন কৰা হৈছে। এই বেলি বকোৰ প্ৰয়াত মুক্তিযোদ্ধা ভূৱন চন্দ্ৰ দাস আৰু প্ৰয়াত সমাজ সেৱীকা প্ৰফুল্ল বালা দাস সোঁৱৰণী আন্ত:ক্লাৱ ফুটবল প্ৰতিযোগিতা খন আয়োজন কৰা হৈছে। ইফালে বকো ক্ৰীড়া সন্থাৰ সভাপতি অৰ্জুন চেত্ৰী আৰু সাধাৰণ সম্পাদক সুমিত ৰাভাই জনোৱা মতে কাইলৈ অৰ্থাৎ ২৭ আগষ্ট ৰবিবাৰে দিনৰ দুই বজাত কালিয়াবড়ীস্থিত ক্ৰীড়া সন্থাৰ স্থায়ী খেলপথাৰত আনুষ্ঠানিক ভাৱে উদ্বোধন কৰা হ’ব খেল খন। সেই

উপলক্ষে বকো ক্ৰীড়া সন্থাৰ স্থায়ী খেলপথাৰ খন সজায় পৰায় তোলা হৈছে। বকো ক্ৰীড়া সন্থাৰ ফুটবল উপ সমিতিয়ে ইতিমধ্যে খেল খনৰ সকলো যাৱতীয় কাম-কাজ তদাৰক কৰি আহিছে। ইফালে ক্ৰীড়া সন্থাৰ সভাপতি আৰু সম্পাদকৰ নম্বৰ ৯৯৫৪৬-৬৯০৪৯, ৯৪৩৫০-৫৫১০৫ আৰু ৯৮৫৪০-৬৪০৬২ অত যোগাযোগ কৰি বহু কেইটা আন্ত:ক্লাৱ ফুটবল দলে অংশগ্ৰহণ কৰা বুলি জানিব পৰা গৈছে। ক্ৰীড়া সন্থাৰ স্থায়ী কাৰ্য্যালয়ত আজি অনুষ্ঠিত হয় খেলৰ পৰ্যালোচনাৰ কাৰ্য্যনিৰ্বাহক সভা। লগতে সদাশয় ক্ৰীড়া প্ৰেমী ৰাইজৰ সহায় সহযোগিতা কামণা কৰিছে উদ্যোক্তা মণ্ডলীয়ে।