ৰঙিয়াঃ ৰঙিয়া জিলা ক্ৰীড়া সন্থাৰ উদ্যোগত জয়ন্তীপুৰ যোগেশ্বৰ বিদ্যাপীঠ হাইস্কুল খেলপথাৰত চলি থকা স্বৰ্গীয় নিজৌমচা বড়ো সোৱৰণী ‘চুপাৰ ডিভিজন ফুটবল লীগ’ প্ৰতিযোগিতাৰ আজিৰ ৰঙিয়া এফ চি আৰু ঢোলকুছি সত্যকাম সংঘৰ খেলখনত ৰঙিয়া এফ চিয়ে সত্যকাম সংঘক নুন্যতম গ’লত পৰাজিত কৰি লীগৰ ছেমিফাইনেলত প্ৰৱেশ কৰে। আজিৰ খেলখন পৰিচালনা কৰে ধ্ৰুৱজ্যোতি কলিতা, বাহাৰুল ইছলাম, মনোৰঞ্জন মহন্ত আৰু পহৰেদ আলী আহমেদে। কাইলৈ চুপাৰ ডিভিজন লীগত জাৰকোনা জেচন ক্লাবে অলংবাৰ এফ চিৰ বিৰুদ্ধে প্ৰতিদ্বন্দিতা আগবঢ়াব৷
