বকোঃ সমগ্ৰ নেপালী তথা গোৰ্খা জনগোষ্ঠীৰ সামগ্ৰীক বিকাশৰ বাবে উন্নয়ণৰ ধাৰা বোৱাই অহা জাতীয় অনুস্থান গোৰ্খা উন্নয়ণ পৰিষদ অসমৰ অৰ্থ সাহাৰ্য্যত নিৰ্মাণ কৰা গোৰ্খা ভৱন এটা আজি কামৰূপ জিলাৰ বকোত আনুষ্ঠানিক ভাৱে উদ্বোধন কৰা হয়। গোৰ্খা উন্নয়ণ পৰিষদ অসমৰ অধ্যক্ষ প্ৰেম তামাঙে আজি এক মাংগলিক পৰিবেশত ভানু ভৱন বকোৰ কাষতে থকা জমীত গোৰ্খা ভৱনটো উদ্ধোধন কৰে। বকোত গোৰ্খা ভৱন উদ্ধোধনী অনুষ্ঠানত গোৰ্খা উন্নয়ণ পৰিষদৰ অধ্যক্ষ প্ৰেম তামাঙৰ উপৰিও পৰিষদ খনৰ কেৱাগৰাকীও কাৰ্য্যবাহী সদস্য উপস্থিত থাকে। গোৰ্খা ভৱন উদ্ধোধনী
অনুষ্ঠানত ৰাভা হাছং স্বায়ত্ব শাসিত পৰিষদৰ বকোৰ কাৰ্য্যবাহী পাৰিষদ সুমিত ৰাভা, সাধাৰণ পাৰিষদ অৰ্জুন চেত্ৰী সহ গোৰ্খা কল্যাণ পৰিষদৰ বহু কেইজন বিষয় ববীয়া উপস্থিত থাকে। ইফালে গোৰ্খা কল্যাণ পৰিষদৰ প্ৰাক্তন সভাপতি তথা নেপালী জনগোষ্ঠীৰ জাতীয় নেতা অৰ্জুন চেত্ৰীয়ে সঞ্চালনা কৰা অনুস্থানত জনগোষ্ঠীটোৰ শৈক্ষিক, সামাজিক, ৰাজনৈতিক আৰু অৰ্থ সামাজিক বিকাশৰ ওপৰত আলোচনা কৰা হয়।
