ৰঙিয়াঃ ৰঙিয়া জিলা ক্ৰীড়া সন্থাৰ উদ্যোগত জয়ন্তীপুৰ যোগেশ্বৰ বিদ্যাপীঠ হাইস্কুল খেলপথাৰত চলি থকা স্বৰ্গীয় নিজৌমচা বড়ো সোৱৰণী ‘চুপাৰ ডিভিজন ফুটবল লীগ’ প্ৰতিযোগিতাৰ আজিৰ খেলত কলমনি মিলিজুলি যুৱক সংঘই চেপ্তি আঞ্চলিক ক্ৰীড়া সন্থাক ৫—২ গ’লত পৰাজিত কৰি লীগৰ সম্পূৰ্ণ পইন্ট অৰ্জন কৰি ছেমিফাইনেলত প্ৰৱেশ কৰে। আজিৰ খেলখন পৰিচালনা কৰে জয়ন্ত মাধৱ দাস, পহৰেদ আলী আহমেদ, চন্দন বড়ো আৰু চহিদুল আলমে। কাইলৈ চুপাৰ ডিভিজন লীগত পুনৰ চেপ্তি আঞ্চলিক ক্ৰীড়া সন্থাই বালিসত্ৰ আঞ্চলিক ক্ৰীড়া সন্থাৰ বিৰুদ্ধে তীব্ৰ প্ৰতিদ্বন্দিতা আগবঢ়াব ।
