ৰঙিয়াঃ ৰঙিয়া সদৰ থানাৰ সমীপৰ শিৱ মন্দিৰৰ ওচৰৰ এটা অট্টালিকাত আজি দিনৰ ভাগত উদ্ধাৰ হয় একেটা পৰিয়ালৰ দুগৰাকী মহিলাৰ মৃতদেহ। জানিব পৰা মতে কন্যা কণিকা আগৰৱাল আৰু মাতৃ পীনু আগৰৱালৰ মৃতদেহ। দুয়োটা মৃতদেহ সম্পূৰ্ণ গেলি যোৱা পৰিলক্ষিত হোৱাত ৰঙিয়াত তীব্ৰ চাঞ্চল্যৰ সৃষ্টি হৈছে। ইতিমধ্যে ৰঙিয়া সদৰ থানাৰ আৰক্ষীয়ে উপস্থিত হৈ তদন্ত আৰম্ভ কৰিছে।উল্লেখ্য মৃতদেহৰ কাষত তেজৰ চেকুৰা বান্ধি থকাক লৈ এক হত্যাকাণ্ড বুলি ৰাইজে ভাবিবলৈ লৈছে। কি কাৰণত আচলতে এই ঘটনা সংঘটিত হৈছে বৰ্তমানেও জানিবলৈ পৰা হোৱা নাই। আনহাতে মৃত পীনু আগৰৱালৰ স্বামী ঘটনাস্থলীত নোহোৱাত আৰু এক চাঞ্চল্য বৃদ্ধি পাইছে। এনে সময়তে মাতৃ – কন্যাৰ ভয়ংকৰ কাণ্ডৰ পিছতেই পলাতক হৈ থকা প্ৰবীন আগৰৱালাক জানিব পৰা মতে ৰহাৰ চাপৰমূখৰ পৰা আৰক্ষীয়ে আটক কৰিবলৈ সক্ষম হৈছে। বৰ্তমান ৰঙিয়া আৰক্ষীয়ে তদন্ত অব্যাহত ৰাখিছে।
