গুৱাহাটীঃ স্বাধীনতা দিৱসৰ উপলক্ষে ভাৰতীয় জনতা যুৱ মৰ্চাই অসমৰ সকলো জিলাৰ সকলো মণ্ডলতে আজি ত্ৰিৰঙ্গা যাত্ৰা অনুষ্ঠিত কৰে। যুৱ প্ৰজন্মৰ মাজত দেশপ্ৰেম আৰু সমাজত ঐক্য-সংহতিৰ বাতাবৰণ গঢ়ি তোলাৰ বাবে আজি বাহিৰ কৰা ত্ৰিৰঙ্গা যাত্ৰা সমুহত সকলো স্তৰৰ ৰাইজে স্বতঃস্ফূৰ্তভাৱে অংশগ্ৰহণ কৰে। উল্লেখযোগ্য মৰিগাঁও জিলা যুৱ মৰ্চাৰ অন্তৰ্গত জাগিৰোড মণ্ডল যুৱ মৰ্চাৰ উদ্যোগত আয়োজিত ত্ৰিৰঙ্গা যাত্ৰাত অংশ লয় যুৱ মৰ্চাৰ ৰাজ্যিক সভাপতি সিদ্ধাঙ্কু অঙ্কুৰ বৰুৱা, সাধাৰণ সম্পাদক ত্ৰিদীৱজ্যোতি মৰাণে। নেলীৰ পৰা জাগিৰোডলৈ ওলোৱা ত্ৰিৰঙ্গা যাত্ৰাত পাঁছ শতাধিক বাইকে অংশগ্ৰহণ কৰে৷
