গুৱাহাটীঃ বিশিষ্ট অভিনেতা আদিল হুছেইনলৈ ২০২৪ বৰ্ষৰ সাংবাদিক কমলা শইকীয়া ৰাষ্ট্ৰীয় বঁটা আগবঢ়োৱা হৈছে। বৃহস্পতিবাৰে গুৱাহাটী প্ৰেছ ক্লাবত আয়োজিত এখন সংবাদমেলত সাংবাদিক কমলা শইকীয়া স্মাৰক ন্যাসৰ সম্পাদক দীপজ্যোতি গোস্বামীযে এই কথা ঘোষণা কৰে। তেওঁ লগতে কয় যে ১৯৯১ চনৰ ৯ আগষ্টত উগ্রপন্থীৰ গুলীত নিহত হোৱা অসমৰ প্রথমগৰাকী শ্বহীদ- সাংবাদিক, মুক্তিযোদ্ধা কমলা শইকীয়াৰ ৩৩ সংখ্যক মৃত্যু বার্ষিকী উপলক্ষে অহা ৯ আগষ্টৰ বিয়লি ৪ বজাত গুৱাহাটীৰ উজান বজাৰৰ বিবেকানন্দ কেন্দ্ৰৰ প্রেক্ষাগৃহত এটি স্মাৰক বক্তৃতানুষ্ঠান আৰু ৰাষ্ট্ৰীয় বঁটা প্ৰদান অনুষ্ঠান অনুষ্ঠিত হ’ব। এই অনুষ্ঠানতে অভিনেতা
আদিল হুছেইনক প্ৰদান কৰা হ’ব ২০২৪ বৰ্ষৰ সাংবাদিক কমলা শইকীয়া ৰাষ্ট্ৰীয় বঁটা। লগতে যশস্বী সাহিত্যিক, সাংবাদিক, স্তম্ভ লেখক, পদ্মশ্রী অৰূপ কুমাৰ দত্তই এইবাৰ একবিংশতিতম বক্তৃতা প্রদান কৰিব।’ সংবাদ মেলত পংকজ দুৱৰা, সঞ্জয় ৰায় আদি উপস্থিত থাকে।
