দক্ষিণৰ বিগ বাজেটৰ ছবিৰ বাবে অসমৰ ছবিগৃহত এলাগী অসমৰ পটভূমিত নির্মত ছবি ‘কুকিঃ বিতৰকৰ বিৰুদ্ধে গুৱাহাটীত প্ৰতিবাদ

গুৱাহাটীঃ দক্ষিণৰ বিগ বাজেটৰ ছবি ‘কাল্কি’ বাবে অসমৰ ছবিগৃহত এলাগী অসমৰ পটভূমিত নির্মিত হিন্দী ছবি ‘কুকি’য়ে। অসমৰ পটভূমিত নিৰ্মিত ছবিখনত অসমৰ এটাও ছবি গৃহত প্ৰাইমটাইম দিয়াটো দূৰৰে কথা কোনো এটা সময় নিদিয়াকলৈ বিতৰকৰ বিৰুদ্ধে গুৱাহাটীৰ ফাঁচি বজাৰত প্ৰতিবাদী কাৰ্যসূচী গ্ৰহন কৰে ছবিখনৰ সৈতে জড়িত ব্যক্তি সকলৰ লগতে গুৱাহাটীৰ বহুকেইখন মহাবিদ্যাল, বিশ্ববিদ্যালয়ৰ শিক্ষাৰ্থীসকলে। প্ৰতিবাদ কাৰীসকলে অসমত অসমৰ ছবি চলিবই লাগিব,বহিৰাগত বিতৰকৰ দাদাগিৰি নচলিব, বিগ বেনাৰৰ দাদাগিৰি নচলিব, অসমত কুকি চলিবই লাগিব আদি শ্ল’ গান দিয়ে। প্ৰতিবাদকাৰীসকলে অসমৰ

ছবিগৃহত কুকি চলিবলৈ নিদিলে বিগ বাজেটৰ ছবি কাল্কীৰ পোষ্টাৰ আদি ফালি পেলোৱাৰ কাৰ্যসূচী গ্ৰহণ কৰা হ’ব। উল্লেখ্য, এই দুয়োখন চলচ্চিত্ৰই২৮ জুনত মুক্তি লাভ কৰিব কিন্তু কুকি ছবিখনে অসমৰ কোনো এটা ছবি গৃহৰ কোনো এটা শ্লট নোপোৱাৰ বাবে আক্ষেপ প্ৰকাশ কৰে প্ৰতিবাদকাৰীসকলে। উল্লেখ্য কুকিয়ে চলচ্চিত্ৰখন ২৮ জুনত মুম্বাই, দিল্লী, কলকাতা, বাংগালুৰু, চেন্নাই, পুনে চহৰসহ সমগ্ৰ দেশৰ ১০০ খন চিনেমা হলত মুক্তিৰ বাবে সাজু হৈ পৰিছে। ছবিখনৰ পৰিচালনা কৰিছে প্ৰণৱ জে ডেকাই আৰু প্ৰযোজক ড° জোনমণি দেৱী খাউণ্ড। ‘কান্ চলচ্চিত্ৰ মহোৎসৱত অংশগ্ৰহণ কৰা সমগ্ৰ বিশ্বৰ বহুসংখ্যক চলচ্চিত্ৰ সমালোচকে মাৰ্চ ডু ফিল্মত কুকি উপভোগ কৰি চলচ্চিত্ৰখনৰ যথেষ্ট প্ৰশংসা কৰিছে। চলচ্চিত্ৰখনে ইউৰোপ আৰু আফ্ৰিকাৰ বিতৰণকাৰীসকলৰ দৃষ্টি আকৰ্ষণ কৰিবলৈ সক্ষম হৈছে।