বকোঃ অসম মেঘালয় সীমান্তৰ হাহিমৰ আৰেডোঙাত অঘটন সংঘটিত হৈছে। গৰমৰ বতৰত শীতল পানীত গা ধুৱলৈ গৈ ছয়গাঁওৰ এজন যুৱক নিখোজ হোৱা খৱৰ আহিছে। আৰেডোঙাৰ জলপ্ৰপাতত গা ধুই থাকোঁতে তীব্ৰ সোতত সন্ধানহীন ছয়গাঁওৰ মিলনপুৰৰ প্ৰায় ২১ বছৰীয়া যুৱক জন। প্ৰাপ্ত তথ্য অনুসৰি যুৱক জনৰ নাম ধ্ৰুৱজ্যোতি কলিতা বুলি জানিব পৰা গৈছে ৷ প্ৰত্যক্ষদৰ্শীৰ মতে চাৰি জন বন্ধুৰ সৈতে পিকনিক স্পটলৈ ফুৰিবলৈ গৈছিল ধ্ৰুবজ্যোতি কলিতাই ৷ ঘটনাস্থলীত মেঘালয় চৰকাৰৰ এছ ডি আৰ এফ উপষ্ঠিত নহোৱা বাবে বাতৰি লিখা পৰলৈকে উদ্ধাৰ অভিযান চলাব পৰা নাই ৷ পৰিয়াল লোক ঘটনা স্থলিত উপষ্ঠিত হৈ হাহাকাৰ সৃষ্টি কৰা বুলি জানিব পৰা গৈছে ৷
