ইণ্ডিয়া মৰ্চাৰ সমৰ্থিত গুৱাহাটী লোকসভা সমষ্টিৰ প্ৰাৰ্থী মীৰা বৰঠাকুৰ গোস্বামীৰ হৈ প্ৰচাৰ অভিযান
গুৱাহাটীঃ আজি ইণ্ডিয়া মৰ্চাৰ সমৰ্থিত ৫ নং গুৱাহাটী লোকসভা সমষ্টিৰ প্ৰাৰ্থী মীৰা বৰঠাকুৰ গোস্বামীৰ সমৰ্থনত অসম প্ৰদেশ মহিলা কংগ্ৰেছ, অসম প্ৰদেশ যুৱ কংগ্ৰেছ, সদৌ অসম প্ৰগতিশীল নাৰী সন্থা আৰু চিপিআই (এম-এল)ৰ কৰ্মীসকলে ৰাধাগোবিন্দ বৰুৱা পথত জুৰোডৰ পৰা কৰ্মাচ কলেজ প ইণ্টলৈ প্ৰচাৰ পত্ৰ বিতৰণ, গেৰান্তি কাৰ্ডত স্বাক্ষৰ সংগ্ৰহকে ধৰি ব্যাপক প্ৰচাৰ অভিযান চলায়। ৰাইজে মীৰা বৰঠাকুৰ গোস্বামীৰ প্ৰতি বিপুল সমৰ্থন আগবঢ়ায়। কৰ্মীসকলে বিভিন্ন জন পথচাৰী, দোকানদাৰসকলৰ সৈতে বাৰ্তালাপ কৰে। বাৰ্তালাপত ৰাইজে ভয়াবহ মূল্য বৃদ্ধি, নিবনুৱা বৃদ্ধি, গণতন্ত্ৰ আৰু সংবিধানৰ সংকট, বাক স্বাধীনতা হৰণ,
ইডি চিবিআই, আয়কৰক বিজেপি চৰকাৰে ৰাজনৈতিক স্বাৰ্থত ব্যৱহাৰ কৰা, দুজনকৈ মুখ্যমন্ত্ৰী, বিৰোধী দল নেতা কৰ্মীক জেলত বন্দী কৰা পৰিস্থিতিত গভীৰ উদ্বেগ প্ৰকাশ কৰে আৰু ইণ্ডিয়া মৰ্চাৰ প্ৰতি সমৰ্থন জনাই মীৰা বৰঠাকুৰ গোস্বামীৰ জয়যুক্ত কামনা কৰে। কৰ্মী দলটোত ৰশ্মিৰেখা গগৈ, গীতাঞ্জলি সোণোৱাল, মঞ্জু ৰহাং, ধীৰেণ ঠাকুৰীয়া, দীপা গগৈ, পুনম সোণোৱাল, ৰূপজ্যোতি গগৈ, পংকজ কুমাৰ দাস, মাধৱী নাথ আদিয়ে অংশগ্ৰহণ কৰে।
