গুৱাহাটীঃ ভাৰত চৰকাৰৰ বস্ত্ৰ মন্ত্ৰালয়ৰ পৃষ্ঠপোষকতাত গুৰু-শিষ্য হস্তশিল্প প্ৰশিক্ষণ কাৰ্যসূচীৰ জৰিয়তে হীয়া হেৰিটেজ ৱৰ্ল্ডৰ শিপিনীসকলক সবলীকৰণ কৰণৰ বাবে এক পদক্ষেপ গ্ৰহণ কৰিছে। এই পদক্ষেপৰ অধীনত যুগ যুগ ধৰি চলি অহা গুৰু শিষ্য পৰম্পৰা অনুসৰণ কৰি গ্ৰাম্য আৰু প্ৰান্তীয় সম্প্ৰদায়ৰ শিপিনীসকলক নিপুণ শিল্পীসকলৰ দ্বাৰা বিশেষ প্ৰশিক্ষণ আৰু মেণ্টৰশ্বিপ প্ৰদান কৰা হয়। এই প্ৰশিক্ষণ কাৰ্যসূচীত হস্ততাঁত বোৱা, ডিজাইন উদ্ভাৱন, আৰু উদ্যোগীকৰণৰ বিকাশৰ দক্ষতা বৃদ্ধিৰ ওপৰত গুৰুত্ব আৰোপ কৰিছে। কামৰূপ জিলাৰ
বৰিহাট ভাল্লাত ১০ জানুৱাৰীৰ পৰা ১১ মাৰ্চলৈ মাহলৈ চলি থকা দুমহীয়া প্ৰশিক্ষণৰ শুভ উদ্ধোধন কৰে উন্নয়ন আয়ুক্ত হস্তশিল্প, গুৱাহাটীৰ জ্যেষ্ঠ সহকাৰী সঞ্চালক বালেশ্বৰ মিলিয়ে। উদ্বোধন কৰি মিলিয়ে প্ৰশিক্ষাৰ্থীসকলৰ প্ৰেৰণা মূলক বক্তব্য প্ৰদান কৰাৰ লগতে উজ্জ্বল ভৱিষ্যত কামনা কৰে। মিতালী বৰুৱা বৰাৰ নেতৃত্বত কেইবাগৰাকীও সদস্যৰে গঠিত গোটত প্ৰায় ৩০ গৰাকী প্ৰশিক্ষাৰ্থীয়ে অংশ গ্ৰহণ কৰিছে।
