জাগৃতি মহিলা সমিতি সংগঠন দক্ষিণ কামৰূপ জিলাৰ উদ্যোগত বকো আঞ্চলিক সমিতিৰ সহযোগত নাৰী দিৱস আয়োজন

বকোঃ জাগৃতি মহিলা সমিতি নামৰ স্বেচ্ছাসেৱী সংগঠনৰ দক্ষিণ কামৰূপ জিলা সমিতিৰ উদ্যোগত আৰু বকো আঞ্চলিক সমিতিৰ সহযোগত অহা ৮ মাৰ্চত আন্তজাৰ্তিক নাৰী দিৱস আয়োজন কৰা হৈছে। উল্লেখ্য যে জাগৃতি মহিলা সমিতি সংগঠনৰ দক্ষিণ কামৰূপ জিলা সমিতিৰ সভানেত্ৰী মেঘালী দাস আৰু সম্পাদিকা চন্দ্ৰমা কলিতাই জনোৱা মতে বিগত বছৰবোৰৰ দৰে এই বৰ্ষও দিনযোৰা কাৰ্য্যক্ৰমণিকাৰে আয়োজন কৰা হৈছে আন্তজাৰ্তিক নাৰী দিৱস। দিৱসত নাৰীৰ সাৱলীকৰণৰ ওপৰত অধিক গুৰুত্ব আৰোপ কৰা হয় আৰু ভিন্ন ভিন্ন কাৰ্য্যসূচী ৰূপায়ণ কৰা

হয়। ইফালে মহিলা সংগঠনটোৰ বকো আঞ্চলিক সমিতিৰ সভানেত্ৰী নিলীমা বায়ন কলিতা আৰু সম্পাদিকা অৰ্পনা ডেকাই জনোৱা মতে নাৰী দিৱসৰ লগত সংগতি ৰাখি এই বেলি মহিলাৰ মেজিক চিয়াৰ আৰু দৌৰ প্ৰতিযোগিতা আয়োজন কৰা হৈছে। নাৰী সৱলীকৰণৰ লক্ষ্যৰে আয়োজন কৰা কাৰ্য্যসুচীত গীত মাত, নাম প্ৰসংগকে ধৰি বহু কাৰ্য্যসূচী ৰূপায়ন কৰা হ’ব।