পলাশবাৰী বঙৰাৰ শ্ৰীশংকৰদেৱ উচ্চ মাধ্যমিক বিদ্যালয়ৰ প্ৰাক্তন ছাত্ৰ-ছাত্ৰী সন্মিলনৰ ‘মিলন সমাৰোহ’

মিৰ্জাঃ পলাশবাৰী সমষ্টিৰ বঙৰাস্থিত শ্ৰীশংকৰদেৱ উচ্চ মাধ্যমিক বিদ্যালয়ৰ প্ৰাক্তন ছাত্ৰ-ছাত্ৰী সন্মিলনৰ উদ্যোগত প্ৰাক্তন ছাত্র-ছাত্রী সকলৰ পুনঃ মিলনৰ জৰিয়তে হৃদয়ঙ্গম কৰিবলৈ ‘মিলন সমাৰোহ’ শীৰ্ষক অনুষ্ঠান যোৱা ২৮ ডিচেম্বৰত দিনযোৰা কাৰ্যসূচীৰে অনুষ্ঠিত হৈ যায়। কাৰ্যসূচী অনুসৰি পুৱা ৭.৩০ বজাত বৃক্ষৰোপণ কৰে আদৰ্শ খেতিয়ক সুৱল নাথ, উদয় বড়োৱে। ৮.০০ বজাত শ্বহীদ তৰ্পণ কৰে প্রাক্তন ছাত্র তথা শ্ৰীশংকৰদেৱ উঃমাঃ বিদ্যালয়ৰ অঃ প্রাঃ প্রধান শিক্ষক পুলিন তালুকদাৰে। ৮.৩০ বজাত সন্মিলনৰ পতাকা উত্তোলন কৰে প্রাক্তন ছাত্ৰ তথা দুৰদৰ্শনৰ সহকাৰী অভিযন্তা কুশলজিৎ কুমাৰে। ৯.৩০ বজাত সাংস্কৃতিক

শোভাযাত্রা উদ্বোধন কৰে জনপ্রিয় কণ্ঠশিল্পী দিপান্বিতা ডেকা আৰু চেবাৰ কৰ্মচাৰী তথা প্ৰাক্তন ছাত্ৰী পুতুলী মেধীয়ে। দিনৰ ১১.৩০ বজাত প্রাক্তন ছাত্র-ছাত্ৰী সকলৰ অন্তৰংগ আলাপ অনুষ্ঠিত হয়। দুপৰীয়া ১.০০ বজাত অনুষ্ঠিত হোৱা মুকলি সভাত মুখ্য অতিথি হিচাপে লোকপ্ৰিয় গোপীনাথ আন্ত: ৰাষ্ট্ৰীয় বিমান বন্দৰৰ মুখ্য বিমান কোঠ বিষয়া উৎপল বৰুৱা, নিমন্ত্ৰীত অতিথি হিচাপে অজাপৰ কামৰূপ জিলাৰ সাধাৰণ সম্পাদক পংকজলোচন গোস্বামী, ৰাণী পেপচি কোম্পানী উপ-প্ৰৱন্ধক দিগন্ত খনিকৰ, প্রাক্তন ছাত্রী তথা অঃপ্রঃকঃসঃকমিটিৰ সম্পাদিকা ছাজিৰা বেগম, কামৰূপ জিলা অঃজাঃযুৱ-ছাত্ৰ পৰিষদৰ মুখ্য আহ্বায়ক মদন

দাস, বিদ্যালয় খনৰ প্ৰধান শিক্ষক জগদীশ শৰ্মা উপস্থিত থাকে। সন্ধিয়া ৫ বজাত বন্তি প্ৰজ্বলন কৰে শ্ৰীমন্ত শংকৰদেৱ উচ্চ মাধ্যমিক বিদ্যালয়ৰ জ্যেষ্ঠ শিক্ষক শচীন তালুকদাৰে। ইয়াৰ পিছতে সাংস্কৃতিক সন্ধিয়া ও মঞ্চ মুকলি কৰা হয়। সাংস্কৃতিক সন্ধিয়াত কণ্ঠশিল্পী কুমাৰ ধীৰাজ, চয়নিকা কলিতাৰ লগতে প্রাক্তন ছাত্র-ছাত্রী সকলেও গীত পৰিবেশন আৰু মা কালী ডেঞ্চ গ্ৰুপৰ দলীয় নৃত্য পৰিবেশ কৰি উপস্থিত দৰ্শক আপ্লুত কৰে। অনুষ্ঠানটি সাফল্য মণ্ডিত কৰি তোলা বাবে সন্মিলনৰ সভাপতি বিকাশ নাথ যোগী আৰু সম্পাদক অপূৰ্ব নাথে সকলোকে ধন্যবাদ জনাইছে।