বকোৰ নাৰেঙ্গাৰ শ্ৰী শ্ৰী ভাঙ্গাৰা গোসাঁই আশ্ৰিত শিৱ মন্দিৰৰ সাহায্যৰ্থে আয়োজিত উপহাৰ কুপনৰ খেলৰ উপহাৰ বিতৰণ

বকোঃ প্ৰভূ মহাদেৱক উপাসনা কৰা শক্তিস্থান কামৰূপ জিলাৰ বকোৰ নাৰেঙ্গাৰ শ্ৰী শ্ৰী ভাঙ্গাৰা গোঁসাই আশ্ৰিত মন্দিৰৰ সাহায্যৰ্থে মন্দিৰ সমিতিয়ে আয়োজন কৰিছিল উপহাৰ কুপনৰ খেল। বকো আৰক্ষী থানাৰ নাৰেঙ্গাস্থিত ভাঙ্গাৰা গোঁসাই ঘৰ আধুনিকিকৰণৰ বাবে আঁচনি গ্ৰহণ কৰি আয়োজন কৰা উপহাৰ কুপনৰ খেল খন যোৱা ১৮ জানুৱাৰীত আয়োজন কৰা হৈছিল। ভাঙ্গাৰা গোঁসাই মন্দিৰ পৰিচালনা সমিতিৰ সভাপতি চবিন কৈৱৰ্ত আৰু সম্পাদক কাতি ৰাম কৈৱৰ্তৰ তৎপৰতাত আজি মন্দিৰ প্ৰাংগনত অনুষ্ঠিত কৰা হয় উপহাৰ কুপনৰ খেলত উপহাৰ পোৱা ভাগ্যবানক উপহাৰ বিতৰণ সভা। উপহাৰ

বিতৰণ সভাত প্ৰায় ১২ গৰাকী উপহাৰ বিজয়ীক গাড়ী, বুলেট, বাইক আদি বিতৰণ কৰা হয় আৰু উপহাৰ পোৱা সকলোক খেল পৰিচালনা সমিতিৰ তৰফৰ পৰা সম্বোৰ্ধনা জনোৱা হয়। উপহাৰ বিতৰণী অনুস্থানত সহযোগ কৰে যুৱ সমাজ কৰ্মী কমলেশ্বৰ কৈৱৰ্ত, উমেশ চন্দ্ৰ ৰাভা, পবিত্ৰ দাসকে ধৰি বহু সংখ্যক শুভাকাংশী আৰু কুপনৰ ডিলাৰৰ সদস্য।