গুৱাহাটীঃ বিশিষ্ট সংগীত পৰিচালক ভূপেন উজীৰ দেৱৰ মৃত্যুত সদৌ গুৱাহাটী ছাত্ৰ সন্থাই গভীৰ শোক প্ৰকাশ কৰে। তেখেতৰ বিয়োগ সাংস্কৃতিক আৰু জাতীয় জীৱনৰ বাবে এক অপূৰণীয় ক্ষতি। সদৌ গুৱাহাটী ছাত্ৰ সন্থা আৰু গুৱাহাটী উন্নতি সভাৰ এটি দলে তেখেতৰ বাসগৃহ আৰু নৱগ্ৰহ শ্মশানত উপস্থিত থাকি শেষ শ্ৰদ্ধাঞ্জলি জ্ঞাপন কৰে। সদৌ গুৱাহাটী ছাত্ৰ সন্থাৰ সভাপতি কমল মহন্ত, সাধাৰণ সম্পাদক প্ৰাঞ্জল ডেকা এক প্ৰেছ বিবৃত্তি যোগে শিল্পী গৰাকীৰ বিদেহী আত্মাৰ চিৰশান্তি কামনা কৰে ও শোক সন্তপ্ত পৰিয়ালটিক সমবেদনা জ্ঞাপন কৰে।
