কোচ ৰাজবংশী মহিলা সন্মিলনীৰ বকো আঞ্চলিক সমিতিৰ সাধাৰণ সভা সমাপনঃ জনগোষ্ঠীটোৰ সমস্যা সমাধানৰ দাবীৰে প্ৰস্তাৱ গ্ৰহণ

বকোঃ ভূমিপুত্ৰ জনগোষ্ঠী সমূহৰ অন্যতম কোচ ৰাজবংশী সকলোৰ মহিলা সন্মিলনীৰ কামৰূপ জিলাৰ বকো আঞ্চলিক সমিতিৰ আজি সাধাৰণ সভা অনুষ্ঠিত হয়। বকো আঞ্চলিক কোচ ৰাজবংশী মহিলা সন্মিলনীৰ সভানেত্ৰী ৰীণা ডেকা আৰু সম্পাদিকা হিৰণময়ী দাসৰ তৎপৰতাত আয়োজন কৰা সাধাৰণ সভাৰ কাৰ্য্যসূচী অনুসৰি বিশ্ব মহাবীৰ চিলাৰায়ৰ প্ৰতিচ্ছবিত বন্তি প্ৰজ্বলন আৰু মাল্যৰ্পন কৰে সদৌ অসম কোচ ৰাজবংশী যুৱ ছাত্ৰ সন্মিলনীৰ কাৰ্য্যকৰী সভাপতি অনুপম দাসে। সহযোগ কোচ ৰাজবংশী সন্মিলনীৰ বকো আঞ্চলিক সমিতিৰ সভাপতি মনোৰঞ্জন চৌধুৰীয়ে। মহিলা সংগঠনটোৰ সম্পাদিকাই আত ধৰা সভাত উদ্দেশ্য বাখ্যা, শোক সভা,

চা – চিনাকি পৰ্ব আৰু সাংগঠনিক দিশৰ ওপৰত আলোচনা কৰা হয়। সভাত বকো আঞ্চলিক সমিতি কোচ ৰাজবংশী মহিলা সন্মিলনীৰ বিষয় ববীয়া সকলোৰ উপৰিও বহু কেইখন শাখা সমিতিৰ বিষয় ববীয়াই অংশগ্ৰহণ কৰে। ইফালে আগন্তুক হ’ব লগীয়া চিলাৰায় দিৱসৰ কাৰ্যসূচীত সহযোগৰ সিদ্ধান্ত গ্ৰহণ কৰে।