গুৱাহাটীঃ ৮ জানুৱাৰীত হ’বলগীয়া উত্তৰ কাছাৰ পাৰ্বত্য জিলাৰ নিৰ্বাচনত অসম তৃণমূল কংগ্ৰেছে প্ৰক্ষেপ কৰিবলগীয়া প্ৰাৰ্থীৰ তালিকা আজি প্ৰকাশ কৰিছে। দলৰ সভাপতি ৰিপুণ বৰাৰ অনুমোদন অনুসৰি হাফলং সমষ্টিত আচিং জেমি, জাতিংগা সমষ্টিত মাঙ্গলেন হাওলাই, বৰাইল সমষ্টিত থেন্নিয়েইদাম লেংঠাং, মাহোৰ সমষ্টিত লালনিচিম হামাৰ, জিনাম সমষ্টিত ভানলালেংপুই হামাৰ, দাউটুহাজা সমষ্টিত বৈটেন্দ্ৰ শ্ৰংপাং, হাজাদিছা সমষ্টিত দ্ৰুৱ হোজাই, গৰমপানী সমষ্টিত অনচিং তেৰণ, খাৰঠং সমষ্টিত লালঠাং জছোৱা নামপুই, দেহাংগী সমষ্টিত পমপনদাও লাংথাছা, নামনি খাৰঠং সমষ্টিত লালঠাং
জোৱল যৌতি, ডিগাৰ সমষ্টিত চাটমিনথাং খংচাই -কে ধৰি মুঠ ১২ টা সমষ্টিৰ বাবে প্ৰাৰ্থীৰ নাম ঘোষণা কৰিছে। অসম তৃণমূল কংগ্ৰেছে জনসাধাৰণক তেওঁলোকৰ প্ৰক্ষেপিত প্ৰাৰ্থীৰ সপক্ষে ভোট প্ৰদান কৰিবলৈ আহ্বান জনোৱাৰ লগতে জিলাখনৰ সৰ্বাঙ্গীন বিকাশ আৰু উন্নতিৰ বাবে যাৱতীয় সকলো পদক্ষেপ গ্ৰহণ কৰা হ’ব বুলি জনসাধাৰণক আশ্বাস প্ৰদান কৰে।
