বকোঃ কামৰূপ জিলা ৰাভা ছাত্ৰ সন্থাৰ উদ্যোগত আৰু ৰাভা হাছং স্বায়ত্ব শাসিত পৰিষদৰ বিত্তীয় সাহাৰ্য্যত প্ৰতি বছৰৰ দৰে এই বৰ্ষও আয়োজন কৰা হৈছে জননেতা সব্যসাচী ৰাভা সোঁৱৰণী ফুটবল প্ৰতিযোগিতা। আজি প্ৰথম খন ছেমি ফাইনেল খেলত জনজাতীয় ফুটবল দল বনাম মাজাখালী ফুটবল দলে প্ৰতিদ্বন্দিতা কৰে। ইফালে কামৰূপ জিলা ৰাভা ছাত্ৰ সন্থাৰ সভাপতি আনন্দ ৰাভা আৰু সাধাৰণ সম্পাদক অশোক নংবাগ তথা ফুটবল খেল পৰিচালনা সমিতিৰ সভাপতি সুমিত ৰাভা আৰু সম্পাদক জগন্নাথ ৰাভাই জনোৱা মতে আজিৰ খেলত মাজাখলী দলে ২-১ গলত জয়ী হয়। কাইলৈ অৰ্থাৎ ৯ ডিচেম্বৰত দ্বিতীয় খন ছেমি ফাইনেল খেলত প্ৰতিদ্বন্দিতা কৰিব ৰাভা হাছং ফুটবল দল বনাম গেলেস্কী ফুটবল দল গুৱাহাটীয়ে।
