জননেতা সব্যসাচী ৰাভা সোঁৱৰণী ফুটবল শুভাৰম্ভঃ একাদশ বাৰ্ষিক প্ৰতিযোগিতাৰ শুভাৰম্ভণিত জনজাতীয় ফুটবল ক্লাব বনাম ইউনিক ফুটবল দল
বকোঃ কামৰূপ জিলা ৰাভা ছাত্ৰ সন্থাৰ উদ্যোগত আৰু ৰাভা হাছং স্বায়ত্ব শাসিত পৰিষদৰ বিত্তীয় সাহাৰ্য্যত প্ৰতি বছৰৰ দৰে এই বৰ্ষও আয়োজন কৰা হৈছে জননেতা সব্যসাচী ৰাভা সোঁৱৰণী ফুটবল প্ৰতিযোগিতা। আজি আনুষ্ঠানিক ভাৱে ফুটবল প্ৰতিযোগিতা খন শুভাৰম্ভ হয়। এই বৰ্ষত একাদশ সংখ্যক বৰ্ষৰ বাবে আয়োজন কৰা হৈছে প্ৰতিযোগিতা খন। আজিৰ খেলত প্ৰতিদ্বন্দিতা কৰে পান্টানৰ জনজাতীয় ষ্পোৰ্টিং ক্লাৱ বনাম ইউনিক ফুটবল দল ৰংজুলিয়ে। জননেতা সব্যসাচী ৰাভা সোঁৱৰণী ফুটবল প্ৰতিযোগিতা পৰিচালনা সমিতিৰ সভাপতি তথা ৰাভা হাছং স্বায়ত্ব শাসিত পৰিষদৰ কাৰ্য্যবাহী পাৰিষদ সুমিত ৰাভা আৰু সম্পাদক ছাত্ৰনেতা জগন্নাথ ৰাভাই জনোৱা
মতে ৰাভা ছাত্ৰ সন্থাৰ কামৰূপ জিলা সমিতিৰ সভাপতি আনন্দ ৰাভা আৰু সাধাৰণ সম্পাদক অশোক নংবাগৰ তত্বাৱধানত বকো হাইস্কুল খেলপথাৰত আয়োজন কৰা হৈছে খেল খন। ৰাভা হাছং স্বায়ত্ব শাসিত পৰিষদৰ কেৱা গৰাকী কাৰ্য্যবাহী পাৰিষদ আৰু সাধাৰণ পাৰিষদৰ লগতে ৰাভা ছাত্ৰ সন্থাৰ জিলা, আঞ্চলিক আৰু শাখা পৰ্য্যায়ৰ বিষয় ববীয়াৰ সহযোগত তথা অগণন ক্ৰীড়াপ্ৰেমীৰ উপস্থিতিত খেল খন আনুষ্ঠানিক ভাৱে উদ্বোধন কৰে ৰাভা হাছং ক্ৰীড়া সন্থাৰ সভাপতি আদিত্য ৰাভাই। খেল উদ্ধোধনী অনুষ্ঠানত উপস্থিত থাকে বকো ক্ৰীড়া সন্থাৰ সভাপতি অৰ্জুন চেত্ৰী, জ্যেষ্ঠ্য সমাজ কৰ্মী ৰমেশ চন্দ্ৰ ডেকা, ৰাভা হাছং স্বায়ত্ব শাসিত পৰিষদৰ উপাধ্যক্ষ ৰমা
কান্ত ৰাভা, নিখিল ৰাভা ছাত্ৰ সন্থাৰ কেন্দ্ৰীয় সমিতিৰ সাধাৰণ সম্পাদক প্ৰদীপ ৰাভা, সমাজ কৰ্মী তৰুণ বড়ো, ক্ৰীড়া সংগঠক মনোৰঞ্জন কলিতাকে ধৰি বহু সংখ্যক বিশিষ্ট অতিথি। আজিৰ খেলত পান্টান জনজাতীয় ষ্পোৰ্টিং দলে ১–০ গলত জয়লাভ কৰে। ইফালে অহাকালি ছিলংৰ ক্ৰেছা ফুটবল দল বনাম মাজাখালী ফুটবল দলৰ মাজত খেল অনুষ্ঠিত হ’ব।
