কাজলগাঁওঃ অহা ১৭ ডিচেম্বৰৰ পৰা আৰম্ভ হ’ব তৃতীয় সন্তোষ ব্ৰহ্ম সোঁৱৰণী চিৰাং জিলা ক্ৰিকেট লীগ। জিলাখনৰ মংলাগাঁৱত অনুষ্ঠিত হ’বলগীয়া প্ৰতিযোগিতাখন নিয়াৰিকৈ চলাবলৈ স্থানীয় সমাজকৰ্মী সুজিত ৰয়ক সভাপতি, ৰমেন ৰয়ক কাৰ্যকৰী সভাপতি আৰু সঞ্জয় চেত্ৰীক সম্পাদক হিচাপে লৈ এখন শক্তিশালী পৰিচালনা সমিতি গঠন কৰা হয়। আনহাতে আজি মংলাগাঁও হৰিমন্দিৰ প্ৰাংগনত জিলা ক্ৰিকেট সন্থাৰ কাৰ্যকৰী সভাপতি প্ৰণৱ বসুমতাৰী, সম্পাদক দিপাংকৰ
সৰকাৰ তথা অন্যান্য বিষয়ববীয়াৰ উপস্থিতিত অনুষ্ঠিত এক ৰাজহুৱা সভাত উপস্থিত থাকি স্থানীয় বুদ্ধিজীৱী তথা দলসংগঠনৰ নেতৃবৃন্দই প্ৰতিযোগিতাখন মংলাগাঁৱত অনুষ্ঠিত কৰিবলৈ লোৱা বাবে সন্তোষ প্ৰকাশ কৰে আৰু স্থানীয় খেলুৱৈসকল উপকৃত হ’ব বুলি মত ব্যক্ত কৰে। আনহাতে পৰিচালনা সমিতিৰ সম্পাদক সঞ্জয় চেত্ৰীয়ে এই ক্ষেত্ৰত সকলোৰে সহায় -সহযোগিতা কামনা কৰে। প্ৰতিযোগিতাত এইবাৰ ১৮ টা দলে যোগদান কৰিছে।
