গুৱাহাটীঃ কামৰূপ মহানগৰ নিৰ্বাচন জিলাৰ অন্তৰ্গত ৩৩- দিছপুৰ, ৩৪- ডিমৰীয়া (অনুসূচীত জাতি), ৩৫- নিউ গুৱাহাটী, ৩৬- গুৱাহাটী চেন্ট্ৰেল আৰু ৩৭ – জালুকবাৰী বিধানসভা সমষ্টিৰ ভোটকেন্দ্ৰ সমূহৰ তালিকা জিলা নিৰ্বাচন বিষয়াই এখন জাননীযোগে প্ৰকাশ কৰিছে৷ নিৰ্বাচন আয়োগৰ অনুমোদনমৰ্মে জন প্ৰতিনিধিত্ব আইন, ১৯৫১ৰ ২৫নং ধাৰা অনুসৰি ভোটকেন্দ্ৰৰ তালিকা প্ৰস্তুত কৰা হৈছে৷ ভোটকেন্দ্ৰৰ তালিকাখন ভোটাৰৰ নিৰীক্ষণৰ বাবে জিলা নিৰ্বাচন বিষয়াৰ কাৰ্যালয়ত কাৰ্যালয় খোলা থকাৰ সময়ত উপলব্ধ হ’ব৷ ইয়াৰোপৰি ৩৩- দিছপুৰ সমষ্টিৰ বাবে দিছপুৰ ৰাজহ চক্ৰ বিষয়াৰ কাৰ্যালয়ত,
৩৪- ডিমৰীয়া (অনুসূচীত জাতি) সমষ্টিৰ বাবে সোনাপুৰ ৰাজহ চক্ৰ বিষয়াৰ কাৰ্যালয়ত, ৩৫- নিউ গুৱাহাটী সমষ্টিৰ বাবে হেঙেৰাবাৰীস্থিত কামৰূপ মহানগৰ নিৰ্বাচন জিলাৰ নিৰ্বাচন বিষয়াৰ কাৰ্যালয়ত, ৩৬- গুৱাহাটী চেন্ট্ৰেল সমষ্টিৰ বাবে গুৱাহাটী ৰাজহ চক্ৰ বিষয়াৰ কাৰ্যালয়ত আৰু ৩৭- জালুকবাৰী সমষ্টিৰ বাবে আজাৰা ৰাজহ চক্ৰ বিষয়াৰ কাৰ্যালয়ত তালিকাখন নিৰীক্ষণৰ বাবে উপলব্ধ হ’ব৷
