বকোঃ ইণ্ডিয়ান বোডি বিল্ডিংৰ অন্তৰ্গত এচোছিয়েশ্যন অৱ বোডি বিল্ডাৰ্চৰ কামৰূপৰ উদ্যোগত অলপতে দক্ষিণ কামৰূপৰ মিৰ্জাত অনুষ্ঠিত হয় মিষ্টাৰ কামৰূপ প্ৰতিযোগিতা। এচোছিয়েশ্যন অৱ বোডি বিল্ডাৰ্চ কামৰূপৰ সাধাৰণ সম্পাদক তথা ৰাষ্ট্ৰীয় বিচাৰক মনোৰঞ্জন কলিতাই জনোৱা মতে হেল্থ ফিটনেছ চেন্টাৰ মিৰ্জাৰ সহযোগত আয়োজন কৰা মিষ্টাৰ কামৰূপ প্ৰতিযোগিতা খন পাছ টা শাখাত অনুষ্ঠিত হয় আৰু প্ৰতিযোগিতাত মুঠ সত্তোৰ গৰাকীতকৈ অধিক খেলুৱৈয়ে অংশগ্ৰহণ কৰে। জানিব পৰা মতে মুখ্য বিচাৰক মনোৰঞ্জন কলিতাই পৰিচালনা কৰা প্ৰতিযোগিতাত ছিনিয়ৰ শাখাত মিষ্টাৰ কামৰূপ খিতাপ অৰ্জন কৰে
মানস কুমাৰে, জুনিয়ৰ শাখাত মিষ্টাৰ কামৰূপ খিতাপ অৰ্জন কৰে তপন কুমাৰ আৰু মাষ্টাৰ শাখাত মিষ্টাৰ কামৰূপ অৰ্জন কৰে পংকজ কান্ত ই। আনহাতে মেন ফিজিক অৰ্জন কৰে ৰঞ্জন কুমাৰ আৰু ওমেন ফিজিকত মিষ্টাৰ কামৰূপ খিতাপ অৰ্জন কৰে মহিলা খেলুৱৈ বৰ্ণালী তালুকদাৰে। খেল খন ছিনিয়ৰ, জুনিয়ৰ, মাষ্টাৰ, মেন ফিজিক আৰু ওমেন ফিজিক হিচাপে শাখা তৈয়াৰ কৰি প্ৰতিযোগিতা অনুষ্ঠিত কৰে। উক্ত দিনাৰ প্ৰতিযোগিতাৰ কাৰ্য্যক্ৰমণিকা মৰ্মে দিনৰ ভাগত পতাকা উত্তোলন কৰে এচোছিয়েশ্যনৰ সভাপতি নৰেন চন্দ্ৰ বসুমতাৰীয়ে। অনুস্থানত বন্তি প্ৰজ্বলন কৰে সমাজ কৰ্মী যতীন মেধিয়ে আৰু প্ৰতিযোগিতাৰ খেল উদ্ধোধন কৰে পলাশবাৰী
সমষ্টিৰ বিধায়ক হেমাংগ ঠাকুৰীয়াই। খেলৰ অতিথি হিচাপে উপস্থিত থাকে মিষ্টাৰ ইউনিৰ্ভাছ মহাদেৱ ডেকা, নিৰঞ্জন কুমাৰ, ইণ্ডিয়ান বোডি বিল্ডিং ফেডাৰেশ্যনৰ এচোছিয়েট সম্পাদক তথা ৰাষ্ট্ৰীয় বিচাৰক মনোৰঞ্জন শৰ্মাকে ধৰি কেৱাজনো বিশিষ্ট খেলুৱৈ। ইফালে অতিথি সকলে নৱ প্ৰজন্মক স্বাস্থ্যৰ প্ৰতি অধিক যত্ন লবলৈ পৰামৰ্শ দিয়ে। উল্লেখ্য যে বোডি বিল্ডিং প্ৰতিযোগিতাত অংশগ্ৰহণ কৰি শ্ৰেষ্ঠত্ব অৰ্জন কৰা ১ম, ২য় আৰু ৩য় স্থানৰ খেলুৱৈয়ে অহা ২৩ ডিচেম্বৰত মংঙলদৈত অনুষ্ঠিত হ’ব লগা মিষ্টাৰ অসম প্ৰতিযোগিতাত যোগদান কৰিব পাৰিব বুলি জনায় খেল পৰিচালনা সমিতিৰ সম্পাদক দীপজ্যোতি দাস আৰু বিচাৰক মনোৰঞ্জন কলিতাই।
