ৰঙিয়াঃ সোনাৰীশাঁল বালিকুছি আঞ্চলিক ফুটবল টুৰ্ণামেণ্ট কমিটিৰ উদ্যোগত অৰ্জুনদেৱ সত্ৰ সংঘ খেলপথাৰত চলি থকা ফুটবল প্ৰতিযোগিতাৰ আজিৰ তীব্ৰ উত্তেজনাপূৰ্ণ ফাইনেল খেলখনত টাইব্ৰেকাৰ পদ্ধতিত শিমলুবাৰী এফ চিয়ে ৭ – ৬ গ’লত উত্তৰ গুৱাহাটী বাকা দলটিক পৰাজিত কৰি শিমলুবাৰীয়ে চুড়ান্ত খিতাপ অৰ্জন কৰে। উল্লেখ্য যে নিৰ্ধাৰিত সময়ত দুয়োটা দলে এটিকৈ গ’ল দিয়াত খেলখন অমীমাংসিত হৈছিল৷ আজিৰ খেলখন পৰিচালনা কৰে ৰেফাৰী পহৰেদ আলী আহমেদ, নিপন বড়ো আৰু বাহাৰুল ইছলামে।ফাইনেল খেলখনৰ আৰম্ভণিতে বিশিষ্ট সমাজকৰ্মী মতলেব উদ্দিন আহমেদে দুয়োটা দলৰ খেলুৱৈ আৰু পৰিচালক সকলৰ সৈতে চা-চিনাকি হৈ সাৰুৱা বক্তব্যৰে শুভ উদ্বোধন কৰে।
